കാസര്കോട്: മധൂര് കുഡ്ലുവില് ഒരു ഞെട്ടിലെ 13 ചക്കകള് വിസ്മയ കാഴ്ചയാകുന്നു. മീപ്പുഗുരിയിലെ ഡി ജയനാരായണ തായന്നൂരിന്റെ വീട്ടുപറമ്പിലെ വരിക്ക പ്ലാവിലാണ് അപൂര്വ ദൃശ്യം പ്രകടമായിട്ടുള്ളത്. ചക്കകളെല്ലാം മൂപ്പെത്തിയിട്ടുണ്ട്. മുമ്പൊക്കെ കൂട്ടുകുടംബങ്ങള് സാധാരണമായിരുന്നു. ഇപ്പോഴത് അന്യമായി കൊണ്ടിരിക്കുന്നു. നഷ്ടപ്പെട്ടുപോയ കൂട്ടുകുടംബത്തിന്റെ സൗഭാഗ്യം ഓര്മിപ്പിക്കാനാവും പ്ലാവ് ചക്കകളിലൂടെ അത്തരമൊരു അവബോധം ഉണ്ടാക്കുന്നതെന്ന് ജയനാരായണ കരുതുന്നു.