കാസര്കോട്: കുമ്പള നായ്ക്കാപ്പില് കുമ്പളയില് കാറും പാല്വണ്ടിയും കൂട്ടിയിടിച്ച് അഞ്ചുപേര്ക്ക് പരിക്ക്. നെല്ലിക്കട്ട സ്വദേശികളായ നാസര്, മാജിദ്, മുസ്സമ്മില് എന്നിവര്ക്കും മറ്റു രണ്ടുപേര്ക്കുമാണ് പരിക്ക്. ഇവരില് രണ്ടുപേരുടെ നില ഗുരുതരമാണ്. ശനിയാഴ്ച ഉച്ചയ്ക്ക് 12.30 ഓടെയാണ് സംഭവം. ബദിയടുക്കയില്നിന്ന് കുമ്പളയിലേക്ക് വരികയായിരുന്നു ഇരുവാഹനങ്ങളും. പാല്വണ്ടിയെ ഓവര്ടേക്ക് ചെയ്യുന്നതിനിടെയാണ് അപകടം. അപകടത്തില് ഇരുവാഹനങ്ങളും പൂര്ണമായും തകര്ന്നു. ഓടിക്കൂടിയ നാട്ടുകാരാണ് പരിക്കേറ്റവരെ കുമ്പള സഹകരണ ആശുപത്രിയില് എത്തിച്ചത്.
![](https://mlozaudj56ft.i.optimole.com/w:1373/h:773/q:mauto/f:best/https://malayalam.karavaldaily.com/wp-content/uploads/2024/07/beachh.jpg)