കാസര്‍കോട്: മഞ്ചേശ്വരം, കുഞ്ചത്തൂര്‍, സണ്ണടുക്കയിലെ പരേതനായ അബ്ദുല്‍ റഹ്‌മാന്റെ മകന്‍ അബ്ദുല്‍ റഹ്‌മാന്‍ അഷ്റഫ് (42) ഖത്തറില്‍ ഹൃദയാഘാതം മൂലം മരിച്ചു. ദുബായിലുള്ള സഹോദരന്‍ തുടര്‍ച്ചയായി വിളിച്ചിട്ടും ഫോണെടുക്കാത്തതിനെത്തുടര്‍ന്ന് നടത്തിയ അന്വേഷണത്തിലാണ് അബ്ദുല്‍ റഹ്‌മാന്‍ അഷ്റഫിനെ താമസസ്ഥലത്ത് മരിച്ച നിലയില്‍ കണ്ടെത്തിയത്. മാതാവ്: ഖദീജുമ്മ. ഭാര്യ: നൗസീന. മക്കള്‍: സഹന, മൈസ. സഹോദരങ്ങള്‍: ഹനീഫ് (ദുബായ്), ഹാഷിഫ്, ആയിഷ, സുഹ്റ, സീനത്ത്.
