ഇടുക്കി: രാജാക്കാട് കുത്തുങ്കലില് വിനോദ സഞ്ചാരികള് സഞ്ചരിച്ച വാഹനം മറിഞ്ഞ് പത്ത് വയസുകാരി ഉള്പ്പെടെ രണ്ട് പേര് മരിച്ചു. 16 പേര്ക്ക് പരിക്കേറ്റു. ശിവഗംഗ സ്വദേശി റെജീന(35), സന (10) എന്നിവരാണ് മരിച്ചത്. തമിഴ് നാട് ശിവഗംഗയില് നിന്നുള്ള വിനോദ സഞ്ചാരികള് സഞ്ചരിച്ച ബസാണ് അപകടത്തില്പ്പെട്ടത്. വെള്ളിയാഴ്ച രാവിലെ ഒമ്പതോടെയാണ് അപകടം നടന്നത്. അമിത വേഗത്തിലെത്തിയ വാഹനം നിയന്ത്രണം വിട്ട് മറിയുകയായിരുന്നുവെന്ന് നാട്ടുകാര് പറഞ്ഞു.
പരിക്കേറ്റവരെ സമീപത്തെ ആശുപത്രിയില് പ്രവേശിപ്പിച്ചു. അപകടത്തെ തുടര്ന്ന് ഓടിക്കൂടിയ നാട്ടുകാരാണ് രക്ഷാപ്രവര്ത്തനത്തിന് നേതൃത്വം നല്കിയത്.
![](https://malayalam.karavaldaily.com/wp-content/uploads/2024/09/inbound7547922893848225649.jpg)