മുംബൈ: അന്ധേരി ഈസ്റ്റിലെ പഞ്ചനക്ഷത്ര ഹോട്ടല്‍ മുറിയില്‍ യുഎസ് പൗരനെ മരിച്ച നിലയില്‍ കണ്ടെത്തി. മാര്‍ക്ക് വില്യംസാ(62)ണ് മരിച്ചത്. ഒരു ഐടി സ്ഥാപനത്തിന്റെ അന്വേഷണ വിഭാഗത്തില്‍ ജോലി ചെയ്തിരുന്ന വില്യംസ് മാര്‍ച്ച് 9 മുതല്‍ ഔദ്യോഗിക പര്യടനത്തിനായി ഹോട്ടലില്‍ തങ്ങുകയായിരുന്നു. 14ന് മടങ്ങിപ്പോകാനും പദ്ധതിയിട്ടിരുന്നു. അതേസമയം മരണത്തില്‍ ദുരൂഹതയില്ലെന്നും സ്വാഭാവികമരണമാണെന്നും പൊലീസ് പറഞ്ഞു. സഹാര്‍ പൊലീസ് യുഎസ് കോണ്‍സുലേറ്റിനെ അറിയിക്കുകയും മരണകാരണം കണ്ടെത്തുന്നതിനായി വില്യംസിന്റെ മൃതദേഹം പോസ്റ്റ്മോര്‍ട്ടത്തിന് അയച്ചു.