പരീക്ഷയ്ക്കിടെ മൊബൈല്‍ ഫോണ്‍ ഉപയോഗിച്ചതിന് പിടിയിലായ വിദ്യാര്‍ത്ഥി കോളേജിലെ കെട്ടിടത്തില്‍ നിന്ന് ചാടി ആത്മഹത്യ ചെയ്തു. മണിപ്പാലിലെ ഒരു സ്വകാര്യ കോളജില്‍ വച്ചാണ് സംഭവം. ബിഹാര്‍ സ്വദേശിയായ സത്യം സുമന്‍ (20) ആണ് മരിച്ചത്. വെള്ളിയാഴ്ച ഉച്ചയ്ക്ക് കോളേജില്‍ പരീക്ഷ നടക്കുന്നതിനിടെയാണ് സംഭവം. പരീക്ഷാ ചട്ടങ്ങള്‍ ലംഘിച്ച് വിദ്യാര്‍ഥി മൊബൈല്‍ ഫോണ്‍ ഉപയോഗിച്ചതായി ഇന്‍വിജിലേറ്റര്‍ കണ്ടെത്തി. പിടികൂടിയപ്പോള്‍ പരീക്ഷാ ഹാളില്‍ നിന്ന് പുറത്തിറങ്ങാന്‍ നിര്‍ദേശിച്ചു. പിടിക്കപ്പെട്ടതില്‍ മനംനൊന്ത സുമന്‍ കോളേജിന്റെ ആറാം നിലയില്‍ നിന്ന് ചാടുകയായിരുന്നു. നിലത്ത് തലയിടിച്ച് വീണ സുമന്‍ തല്‍ക്ഷണം മരിച്ചു. സംഭവവുമായി ബന്ധപ്പെട്ട് മണിപ്പാല്‍ പൊലീസ് കേസ് രജിസ്റ്റര്‍ ചെയ്തു.
കറന്തക്കാട് ദേശീയപാതയിൽ കാറിന്റെ ഡിക്കിയിലിരുന്ന് യുവാവിന്റെ അപകടയാത്ര, അന്വേഷണം ആരംഭിച്ച് എം.വി.ഡി
Saturday, 7 June 2025, 20:35
