ചെറുപ്പത്തിലേതോ നേരത്തെയുള്ളതോ ആയ ഡിമെൻഷ്യയുടെ വികാസത്തിന് കാരണമാകുന്ന 15 അപകട ഘടകങ്ങളെ കണ്ടെത്തിയിരിക്കുകയാണ് ഗവേഷകര് പുതിയ പഠനത്തിലൂടെ. 65 വയസ്സിന് താഴെയുള്ള ഒരാൾക്ക് ഓർമ്മക്കുറവിന് കാരണമാകുന്ന അവസ്ഥയാണ് യംഗ്-ഓൺസെറ്റ് അല്ലെങ്കിൽ നേരത്തെയുള്ള ഡിമെൻഷ്യ.
ഡിമെൻഷ്യ എന്നത് ഒരു മസ്തിഷ്ക വൈകല്യമാണ്, ഇത് ദൈനംദിന പ്രവർത്തനങ്ങളെ തടസ്സപ്പെടുത്തുന്ന രീതിയിൽ ഓർക്കാനും ചിന്തിക്കാനും അല്ലെങ്കിൽ തീരുമാനങ്ങൾ എടുക്കാനുമുള്ള ഒരാളുടെ കഴിവിനെ തടസ്സപ്പെടുത്തുന്നു. അൽഷിമേഴ്സ് ഡിമെൻഷ്യയുടെ ഏറ്റവും സാധാരണമായ രൂപമാണ്.
ഈ അവസ്ഥയെ സ്വാധീനിക്കുന്ന 15 പ്രധാന ഘടകങ്ങൾ ഗവേഷകർ പഠനത്തിൽ തിരിച്ചറിഞ്ഞു. അവയിൽ ജനിതക കാരണങ്ങൾ നിയന്ത്രണാതീതമാണെങ്കിലും മറ്റുള്ളവ പരിഹരിക്കാവുന്നവയാണ്.
- സാമൂഹിക ഒറ്റപ്പെടൽ
- ഔപചാരിക വിദ്യാഭ്യാസം കുറവ്
- കുറഞ്ഞ സാമൂഹിക സാമ്പത്തിക നില
- APOE ജീനിന്റെ രണ്ട് പകർപ്പുകൾ വഹിക്കുന്നത് (അൽഷിമേഴ്സ് അപകടസാധ്യതയുമായി ബന്ധപ്പെട്ടിരിക്കുന്ന ജീന്)
- വിറ്റാമിൻ ഡി കുറവ്
- ശ്രവണ വൈകല്യം
- മദ്യപാനത്തിന് ഒപ്പമുള്ള മറ്റ് ശീലങ്ങള്
- മദ്യപാനം
- വിഷാദം
- ഉയർന്ന സി-റിയാക്ടീവ് പ്രോട്ടീൻ അളവ്
- ശാരീരിക ബലഹീനത
- കുറഞ്ഞ രക്തസമ്മർദ്ദം
- സ്ട്രോക്ക്
- പ്രമേഹം
- ഹൃദ്രോഗം
ഡിമെൻഷ്യയുമായി ബന്ധപ്പെട്ട അപകടസാധ്യതകൾ എങ്ങനെ ലഘൂകരിക്കാം?
ശാരീരിക വ്യായാമം: ദൈനംദിന ശാരീരിക പ്രവർത്തനങ്ങളിൽ ഏർപ്പെടുന്നത് മെച്ചപ്പെട്ട ന്യൂറോകോഗ്നിറ്റീവ് ഫംഗ്ഷൻ, ന്യൂറോജെനിസിസ്, വാസ്കുലോജെനിസിസ്, മൂഡ് എൻഹാൻസ്മെന്റ് എന്നിവയുൾപ്പെടെ വിപുലമായ നേട്ടങ്ങൾ നൽകുന്നു.
ആരോഗ്യകരമായ ഭക്ഷണക്രമം: പച്ച ഇലക്കറികൾ, ഒലിവ് ഓയിൽ, സാൽമൺ, ബ്ലൂബെറി എന്നിവയാൽ സമ്പന്നമായ ഭക്ഷണക്രമം സ്വീകരിക്കുന്നത് തലച്ചോറിന് ന്യൂറോപ്രൊട്ടക്റ്റീവ് ഘടകങ്ങൾ നൽകും.
കോഗ്നിറ്റീവ്, മൂഡ്, സോഷ്യൽ ഉത്തേജനം: മനസ്സിനെ സജീവമാക്കുക, ഒരു പുതിയ ഭാഷ പഠിക്കുക, സെമിനാറുകളിൽ പങ്കെടുക്കുക, സംഗീതം കേൾക്കുക, അല്ലെങ്കിൽ നൃത്തം ചെയ്യുക തുടങ്ങിയ പ്രവർത്തനങ്ങളിൽ ഏർപ്പെടുക. ധ്യാനവും യോഗയും പോലുള്ള സ്ട്രെസ് കുറയ്ക്കുന്ന സമ്പ്രദായങ്ങൾ മാനസിക ഉത്തേജനത്തിന് സംഭാവന ചെയ്യുന്നു.
