കാസര്‍കോട്: ജില്ലാ പൊലീസ് ആസ്ഥാനത്തെ പൊലീസുകാരന്റെ മരണത്തിനു ഇടയാക്കിയത് തലയ്ക്ക് ആഴത്തിലേറ്റ മുറിവു കാരണമെന്ന് പോസ്റ്റുമോര്‍ട്ടം റിപ്പോര്‍ട്ട്. ആലപ്പുഴ, ആര്യനാട്, മട്ടനാട്ടെ കെ.കെ.സുധീഷ് (40)ആണ് മരിച്ചത്. ശനിയാഴ്ച ഉച്ചകഴിഞ്ഞാണ് കറന്തക്കാട്ടെ അടച്ചിട്ട സ്വകാര്യ ആശുപത്രി വളപ്പില്‍ സുധീഷിനെ മരിച്ച നിലയില്‍ കണ്ടെത്തിയത്. ഭാര്യയുമായി അകന്നു കഴിയുന്ന ഇയാള്‍ പത്തു ദിവസമായി ജോലിക്കു ഹാജരാവുകയോ അവധിക്കു അപേക്ഷ നല്‍കുകയോ ചെയ്തിരുന്നില്ല. ഇതിനിടയിലാണ് സംശയകരമായ സാഹചര്യത്തില്‍ മരിച്ച നിലയില്‍ കണ്ടത്. പരിയാരം മെഡിക്കല്‍ കോളേജ് ആശുപത്രിയില്‍ നടത്തിയ പോസ്റ്റുമോര്‍ട്ടത്തിലാണ് തലയ്ക്ക് ആഴത്തിലുണ്ടായ മുറിവാണ് മരണത്തിനു ഇടയാക്കിയത്. ഇത് വീഴ്ചയില്‍ ഉണ്ടായതെന്നാണ് സംശയിക്കുന്നത്. വിശദമായ അന്വേഷണം നടന്നുവരുന്നതായി പൊലീസ് പറഞ്ഞു. പോസ്റ്റുമോര്‍ട്ടത്തിന് ശേഷം മൃതദേഹം ബന്ധുക്കള്‍ ഏറ്റുവാങ്ങി സ്വദേശത്തേക്ക് കൊണ്ടുപോയി.
പള്ളിക്കര റെയില്വേ മേല്പ്പാലത്തില് ലോറിയും സ്കൂട്ടറും കൂട്ടിയിടിച്ച് ജമാഅത്ത് പ്രസിഡണ്ട് മരിച്ചു
Tuesday, 9 September 2025, 15:15
