കണ്ണൂര്‍: കതിരൂര്‍ പാട്യം മൂഴിവയലിലില്‍ ആക്രി സാധനങ്ങള്‍ തരംതിരിക്കുന്നതിനിടെയുണ്ടായ ഉഗ്ര സ്‌ഫോടനത്തില്‍ ആസാം സ്വദേശിക്കും രണ്ട് കുട്ടികള്‍ക്കും പരുക്കേറ്റു. സ്‌ഫോടനത്തില്‍ ഇരു കൈകള്‍ക്കും ഗുരുതരമായി പരുക്കേറ്റ ആസാം സ്വദേശി ഷഹീദ് അലിയെ (45) പരിയാരത്തെ കണ്ണൂര്‍ മെഡിക്കല്‍ കോളേജ് ആശുപത്രിയിലേക്ക് മാറ്റി. ഇയാളുടെ മക്കളായ നൂറുദ്ദീന്‍ (പത്ത്) മുത്തലിബ്(എട്ട്) എന്നിവരെ കൂത്തുപറമ്പ് ജനറല്‍ ആശുപത്രിയിലേക്ക് മാറ്റി. ഇവരുടെ പരുക്ക് ഗുരുതരമല്ലെന്ന് ആശുപത്രി അധികൃതര്‍ അറിയിച്ചു. ആക്രി സാധനങ്ങള്‍ ശേഖരിക്കുന്നതിനിടെ കിട്ടിയ വാട്ടര്‍ ബോട്ടില്‍ തുറക്കുന്നതിനിടെയാണ് ഞായറാഴ്ച്ച രാവിലെ ഒന്‍പതു മണിയോടെ ഉഗ്രസ്‌ഫോടനമുണ്ടായതെന്നാണ് പൊലിസിന്റെ പ്രഥമിക നിഗമനം. കതിരൂര്‍ മേഖലയില്‍ താമസിച്ചു വരുന്ന ഷഹീദ് അലി ആക്രി സാധനങ്ങള്‍ ശേഖരിച്ചാണ് ഉപജീവനം കഴിച്ചിരുന്നത്.
എറണാകുളത്ത് ആഫ്രിക്കൻ പന്നിപ്പനി സ്ഥിരീകരിച്ചു, 34 പന്നികളെ കൊന്ന് സംസ്കരിച്ചു
Friday, 27 June 2025, 18:07
