പ്രഭാതഭക്ഷണം നിങ്ങളുടെ ശരീരത്തിന് ആവശ്യമായ പോഷകങ്ങളും ഊര്‍ജ്ജവും പ്രദാനം ചെയ്യുന്നു. നിങ്ങളുടെ ദിവസം ഊര്‍ജ്ജസ്വലമാക്കാനും, മെച്ചപ്പെട്ട വൈജ്ഞാനിക പ്രവര്‍ത്തനത്തിനും, ശരീര ഭാരം കൃത്യമായി കൈകാര്യം ചെയ്യുന്നതിനും, ഹൃദ്രോഗം, പ്രമേഹം തുടങ്ങിയ വിട്ടുമാറാത്ത രോഗങ്ങള്‍ മൂലമുള്ള അപകടസാധ്യത കുറയ്ക്കാനും പോഷക ഗുണമുള്ള പ്രഭാതഭക്ഷണം സഹായിക്കും.
പ്രഭാതഭക്ഷണം ഒഴിവാക്കുന്നത് ആരോഗ്യത്തിന് ഹാനികരമാകുന്നത് എങ്ങിനെ
- ഊര്‍ജ്ജ നില കുറയുന്നു
- സങ്കീര്‍ണ്ണമായ കാര്‍ബോഹൈഡ്രേറ്റുകള്‍, പ്രോട്ടീനുകള്‍, ആരോഗ്യകരമായ കൊഴുപ്പുകള്‍ എന്നിവ ഉള്‍പ്പെടുന്ന പോഷകസമൃദ്ധമായ പ്രഭാതഭക്ഷണം കഴിച്ചുകൊണ്ട് ഇതിനെ പ്രതിരോധിക്കുക.
- ഏകാഗ്രത ഇല്ലാതെയാകുന്നു ഓര്‍മ്മക്കുറവും
- ഇത് പരിഹരിക്കാന്‍, ധാന്യങ്ങള്‍, പഴങ്ങള്‍, ഒമേഗ-3 ഫാറ്റി ആസിഡുകള്‍ ഉള്ള ഭക്ഷണം, പരിപ്പ് എന്നിവ പോലുള്ള തലച്ചോറിനെ ഉത്തേജിപ്പിക്കുന്ന ഭക്ഷണങ്ങള്‍ തിരഞ്ഞെടുക്കുക.
- വിശപ്പ് വര്‍ദ്ധിപ്പിക്കുന്നു
- പ്രഭാതഭക്ഷണം ഒഴിവാക്കുന്നത് പലപ്പോഴും പകല്‍ സമയത്ത് വിശപ്പ് വര്‍ദ്ധിപ്പിക്കുന്നതിനും അമിതമായി ഭക്ഷണം കഴിക്കാനുള്ള പ്രവണതയ്ക്കും കാരണമാകുന്നു. പകരം, കാര്‍ബോഹൈഡ്രേറ്റ്, പ്രോട്ടീന്‍, കൊഴുപ്പ് എന്നിവയുടെ സന്തുലിതമായ പ്രഭാതഭക്ഷണം കഴിക്കുക.
- പോഷകങ്ങളുടെ കുറവ്
- പഴങ്ങള്‍, പച്ചക്കറികള്‍, ധാന്യങ്ങള്‍, പാലുല്‍പ്പന്നങ്ങള്‍ എന്നിങ്ങനെ വിവിധ പോഷകങ്ങള്‍ അടങ്ങിയ ഭക്ഷണങ്ങള്‍ നിങ്ങളുടെ പ്രഭാതഭക്ഷണത്തില്‍ ഉള്‍പ്പെടുത്തുക.
- വിട്ടുമാറാത്ത രോഗങ്ങളുടെ അപകടസാധ്യത വര്‍ദ്ധിപ്പിക്കുന്നു
- പ്രഭാതഭക്ഷണം ഒഴിവാക്കുന്നത് ഹൃദ്രോഗം, പൊണ്ണത്തടി, ടൈപ്പ് 2 പ്രമേഹം എന്നിവയുള്‍പ്പെടെയുള്ള വിവിധ വിട്ടുമാറാത്ത രോഗങ്ങള്‍ ഉണ്ടാക്കും. അതിനാല്‍, ലഘുവായതാണെങ്കിലും പോഷകസമൃദ്ധമായ എന്തെങ്കിലും പ്രഭാതഭക്ഷണത്തിന് കഴിക്കുന്നു എന്ന് ഉറപ്പ് വരുത്തുക.
- മോശം ശാരീരിക പ്രകടനം
- പ്രഭാതഭക്ഷണം കഴിക്കാഞ്ഞാല്‍ ശരീരത്തിന് ശാരീരിക പ്രവര്‍ത്തനങ്ങള്‍ക്ക് ആവശ്യമായ ഇന്ധനം ലഭിക്കില്ല. വര്‍ക്കൗട്ടിനോ ദൈനംദിന ശാരീരിക പ്രവര്‍ത്തനങ്ങള്‍ക്കോ സുസ്ഥിരമായ ഊര്‍ജം പ്രദാനം ചെയ്യുന്നതിനായി പ്രഭാത ഭക്ഷണം അത്യാവശ്യമാണ്.
- മാനസികാവസ്ഥയിലെ ഏറ്റക്കുറച്ചിലുകള്‍
- പ്രഭാതഭക്ഷണം ഒഴിവാക്കുന്നത് മൂഡ് സ്വിംഗ്, ക്ഷോഭം, പൊതുവെ താഴ്ന്ന മാനസികാവസ്ഥ എന്നിവയ്ക്ക് കാരണമാകും. ഇത് തടയാന്‍ പ്രോട്ടീനും, ആരോഗ്യകരമായ കൊഴുപ്പും, രക്തത്തിലെ പഞ്ചസാരയുടെ അളവ് സ്ഥിരപ്പെടുത്തുന്നതുമായ പ്രഭാതഭക്ഷണം കഴിക്കുക.
- ദഹനം തകരാറിലാകുന്നു
- പ്രഭാത ഭക്ഷണം ഒഴിവാക്കുന്നത് വയറുവീര്‍ക്കുന്നതിനും അല്ലെങ്കില്‍ മലബന്ധം പോലുള്ള ദഹന പ്രശ്‌നങ്ങള്‍ക്കും കാരണമാകും. ഇത് പ്രതിരോധിക്കാന്‍, ആരോഗ്യകരമായ ദഹനത്തെ സഹായിക്കുന്നതിനും ധാന്യങ്ങള്‍, പഴങ്ങള്‍ അല്ലെങ്കില്‍ പച്ചക്കറികള്‍ പോലുള്ള നാരുകളാല്‍ സമ്പുഷ്ടമായ ഭക്ഷണം തിരഞ്ഞെടുക്കുക.
- പോഷകങ്ങളുടെ ആഗിരണം കുറയുന്നു
- പ്രഭാതഭക്ഷണം കഴിക്കുന്നത് പിന്നീട് ആ ദിവസം നമ്മള്‍ കഴിക്കുന്ന ഭക്ഷണത്തില്‍ നിന്ന് പോഷകങ്ങളുടെ ആഗിരണം വര്‍ദ്ധിപ്പിക്കാന്‍ സഹായിക്കുന്നു. അതുകൊണ്ട് പ്രഭാത ഭക്ഷണം ഒഴിവാക്കരുത്.
