കാസർകോട്:കാസർകോട് കുമ്പളയിൽ ഓട്ടോറിക്ഷ കത്തി നശിച്ചു. കുമ്പള- ബദിയടുക്ക റോഡിൽ നിർത്തിയിട്ട ഓട്ടോറിക്ഷക്കാണ് തീപിടിച്ചത്. ഓട്ടോ പൂർണ്ണമായും കത്തിനശിച്ചു. ബായാർ ബെള്ളൂരിലെ രവി കുമാറിൻ്റെ ഭാര്യ അനിതയുടെ ഉടമസ്ഥതയിലുള്ളതാണ് ഓട്ടോറിക്ഷ. ബായാറിൽ നിന്ന് ഒരു രോഗിയെ കുമ്പള ആശുപത്രിയിൽ എത്തിച്ച ശേഷം ഓട്ടോറിക്ഷക്ക് സ്റ്റിക്കർ ഒട്ടിക്കുന്നതിനിടെയാണ് തീപിടിച്ചത്.നാട്ടുകാർ ചേർന്ന് തീ കെടുത്തിയെങ്കിലും ഇതിനകം റിക്ഷ പൂർണ്ണമായി കത്തി നശിച്ചിരുന്നു. തീപിടുത്തത്തിൻ്റെ കാരണം വ്യക്തമല്ല.