WEB EDITOR, Author at Karaval Daily : Page 84 of 255

കുംബഡാജെയില്‍ കാറില്‍ കടത്തുകയായിരുന്ന കഞ്ചാവുമായി രണ്ടു പേര്‍ അറസ്റ്റില്‍

by WEB EDITORLocal News Wednesday, 16 July 2025, 10:28Wednesday, 16 July 2025, 10:28No Comments

കാസര്‍കോട്: കാറില്‍ കടത്തുകയായിരുന്ന കഞ്ചാവുമായി രണ്ടു പേര്‍ അറസ്റ്റില്‍. കുംബഡാജെ, ഉബ്രംഗള, കറുവത്തടുക്ക ഹൗസിലെ അബ്ദുല്‍ ബഷീര്‍ (29), കോടിമൂല ഹൗസിലെ അബ്ദുല്‍ സമദ് (21) എന്നിവരെയാണ് ബദിയഡുക്ക പൊലീ സ് അറസ്റ്റു ചെയ്തത്.കുംബഡാജെ,എ.പി. സര്‍ക്കിളില്‍ വച്ച് ചൊവ്വാഴ്ച വൈകിട്ട് എസ് ഐ സുമേഷ് ബാബുവിന്റെ നേതൃത്വത്തില്‍ കാര്‍ തടഞ്ഞു പരിശോധിച്ചപ്പോഴാണ് 47.700 ഗ്രാം കഞ്ചാവ് കണ്ടെടുത്തതെന്നു പൊലീസ് പറഞ്ഞു. കാറും തൊണ്ടിമുതലും കസ്റ്റഡിയിലെടുത്ത ശേഷം പ്രതികളെ നോട്ടീസ് നല്‍കി വിട്ടയച്ചതായി കൂട്ടിച്ചേര്‍ത്തു.

നിമിഷ പ്രിയക്ക് മാപ്പില്ലെന്ന് കൊല്ലപ്പെട്ട യെമൻ പൗരന്റെ സഹോദരൻ

by WEB EDITORInternational Wednesday, 16 July 2025, 10:17Wednesday, 16 July 2025, 10:17No Comments

സന: മലയാളി നഴ്സ് നിമിഷ പ്രിയക്ക് മാപ്പില്ലെന്ന് കൊല്ലപ്പെട്ട യെമൻ പൗരന്റെ സഹോദരൻ . ബി.ബി.സിക്ക് നൽകിയ അഭിമുഖത്തിലാണ് കൊല്ലപ്പെട്ട തലാലിന്റെ സഹോദരൻ നിലപാട് വ്യക്തമാക്കിയത്. തന്റെ സഹോദരൻ കൊല്ലപ്പെട്ടത് അതിക്രൂരമായാണ് . മാപ്പർഹിക്കാത്ത കുറ്റമാണ് ഉണ്ടായത് . ദയാധനം വാങ്ങി ശിക്ഷ ഒഴിവാക്കാൻ തലാലിന്റെ കുടുംബം തയ്യാറല്ലെന്നും അദ്ദേഹം വ്യക്തമാക്കി.കാന്തപുരം എ.പി.അബൂബക്കർ മുസ്ലിയാർ നടത്തിയ ശ്രമത്തെ തുടർന്നാണ് ബുധനാഴ്ച്ച നടക്കേണ്ടിയിരുന്ന വധശിക്ഷ മാറ്റിവയ്ക്കാൻ യെമൻ അധികാരികൾ തയ്യാറായത്. ശിക്ഷ ഒഴിവാക്കാൻ കുടുംബവുമായി ചർച്ച തുടരുന്നുവെന്നും റിപ്പോർട്ടുകൾ …

കെഎസ്ആർടിസി ബസും ഓട്ടോയും കൂട്ടിയിടിച്ച് 2 മരണം; ഓട്ടോ ഡ്രൈവർ മരിച്ചതറിഞ്ഞ് ബന്ധു കുഴഞ്ഞു വീണു മരിച്ചു

by WEB EDITORState Wednesday, 16 July 2025, 10:11Wednesday, 16 July 2025, 10:11No Comments

പാലക്കാട്: കോഴിക്കോട്-പാലക്കാട് ദേശീയപാതയിൽ കെഎസ്ആർടിസി ബസും ഓട്ടോയും കൂട്ടിയിടിച്ച് 2 പേർ മരിച്ചു. പാലക്കാട് തൃക്കല്ലൂർ സ്വദേശികളായ ഓട്ടോ ഡ്രൈവർ അസീസ്(52), യാത്രക്കാരൻ അയ്യപ്പൻകുട്ടി(60) എന്നിവരാണ് മരിച്ചത്. ചൊവ്വാഴ്ച രാത്രി 8.15നാണ് മണ്ണാർക്കാട് തച്ചമ്പാറയിൽ അപകടമുണ്ടായത്. കോഴിക്കോട്ടേക്ക് പോകുകയായിരുന്ന കെഎസ്ആർടിസി ബസ് പോക്കറ്റ് റോഡിലേക്ക് തിരിയുകയായിരുന്ന ഓട്ടോയെ ഇടിക്കുകയായിരുന്നു. ഇടിയുടെ ആഘാതത്തിൽ ഓട്ടോ പൂർണമായും തകർന്നു. ഗുരുതരമായി പരുക്കേറ്റ ഇരുവരെയും ഉടൻ ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല.ഓട്ടോ ഡ്രൈവർ അസീസിന്റെ മരണ വിവരമറിഞ്ഞു ബന്ധു കുഴഞ്ഞു വീണു …

സ്വകാര്യ ആശുപത്രിയിലെ നഴ്സ് ജീവനൊടുക്കിയത് ജനറൽ മാനേജറുടെ മാനസിക പീഡനം സഹിക്കാതെ; സഹപ്രവർത്തകരുടെ പരാതിയിൽ കേസെടുത്ത് പൊലീസ്

by WEB EDITORState Wednesday, 16 July 2025, 9:55Wednesday, 16 July 2025, 9:55No Comments

മലപ്പുറം: കുറ്റിപ്പുറത്തെ സ്വകാര്യ ആശുപത്രിയിലെ നഴ്സ് ജീവനൊടുക്കിയതിനു കാരണം ജനറൽ മാനേജറുടെ മാനസികപീഡനമെന്ന് പരാതി. ആശുപത്രി ജനറൽ മാനേജർക്കെതിരെ സഹപ്രവർത്തകർ നൽകിയ പരാതിയിൽ കുറ്റപ്പുറം പൊലീസ് അന്വേഷണം ആരംഭിച്ചു.ശനിയാഴ്ചയാണ് കോതമംഗലം സ്വദേശി അമീന(20) അമിത അളവിൽ മരുന്നുകൾ കഴിച്ച് ജീവനൊടുക്കിയത്.ജനറൽ മാനേജർ അബ്ദുൽ റഹ്മാൻ അമീനയെ മാനസികമായി പീഡിപ്പിച്ചിരുന്നതായും ഇയാളുടെ സമ്മർദ്ദം സഹിക്കാൻ കഴിയാതെയാണ് ആത്മഹത്യ ചെയ്തതെന്നും സഹപ്രവർത്തകർ പറയുന്നു. ആശുപത്രിയിലെ ജോലി രാജിവച്ച് വിദേശത്തേക്കു പോകാനുള്ള തയാറെടുപ്പിലായിരുന്നു അമീന. എന്നാൽ 3 വർഷം ആശുപത്രിയിൽ ജോലി …

ഓടിക്കൊണ്ടിരുന്ന ഓട്ടോക്ക് മുകളില്‍ കാട്ടുമരം കടപുഴകി വീണ് ഒരാള്‍ അത്ഭുതകരമായി രക്ഷപ്പെട്ടു; ഓട്ടോ തകര്‍ന്നു

by WEB EDITORLocal News Wednesday, 16 July 2025, 9:36Wednesday, 16 July 2025, 9:39No Comments

കാസര്‍കോട്: ഓടിക്കൊണ്ടിരുന്ന ഓട്ടോക്കു മുകളില്‍ വന്‍മരം കടപുഴകിവീണ് പരിക്കുകളോടെ ഒരാള്‍ അത്ഭുതകരമായി രക്ഷപ്പെട്ടു. ഓട്ടോ പൂര്‍ണ്ണമായി തകര്‍ന്നു.ചെര്‍ക്കള-ജാല്‍സൂര്‍ റോഡിലെ മുള്ളേരിയ ആലന്തടുക്ക ഇറക്കത്തില്‍ ബുധനാഴ്ച രാവിലെയാണ് അപകടം. ആദൂര്‍ സി എ നഗര്‍ സ്വദേശിയും മുള്ളേരിയയില്‍ ഹോട്ടലുടമയുമായ അബ്ദുള്ളക്കുഞ്ഞിയാണ് പരിക്കുകളോടെ അത്ഭുതകരമായി രക്ഷപ്പെട്ടത്. അബ്ദുള്ളക്കുഞ്ഞിയുടെ കൈയുടെ അസ്ഥി പൊട്ടിയിട്ടുണ്ടെന്നു പറയുന്നു. ഒരു വിരല്‍ നഷ്ടപ്പെട്ടു. ഇദ്ദേഹത്തെ മുള്ളേരിയയിലെ ആശുപത്രിയില്‍ പ്രവേശിപ്പിച്ചു.സി ഐ നഗറിലെ വീട്ടില്‍ നിന്നു മുള്ളേരിയയില്‍ അദ്ദേഹം നടത്തുന്ന ഹോട്ടലിലേക്കു സ്വന്തം ഓട്ടോയില്‍ പോവുന്നതിനിടയിലാണ് അപകടം. …

വാക്കു പാലിക്കാൻ കഴിയാത്തവൻ ജനപ്രതിനിധിയായി തുടരാൻ പാടില്ല : സിപിഎം നഗരസഭ കൗൺസിലർ രാജിവച്ചു

by WEB EDITORState Tuesday, 15 July 2025, 16:25Tuesday, 15 July 2025, 16:25No Comments

തിരുവനന്തപുരം: വാഗ്ദാനം ചെയ്ത പാലം യാഥാർഥ്യമാക്കാൻ കഴിയാത്തതിനെ തുടർന്ന് സിപിഎം നഗരസഭ കൗൺസിലർ രാജിവച്ചു. നെടുമങ്ങാട് നഗരസഭ കൊപ്പം വാർഡ് മെമ്പർ പി. രാജീവാണ് രാജിവച്ചതായി ഫെയ്സ്ബുക്കിലൂടെ പ്രഖ്യാപിച്ചത്. കുന്നം വലിയ പാലത്തിന് ഒന്നരക്കോടി രൂപ അനുവദിച്ചെങ്കിലും അപ്രോച്ച് റോഡിനുള്ള സ്ഥലമേറ്റെടുപ്പ് പൂർത്തിയാക്കാനായില്ലെന്നു ചൂണ്ടിക്കാട്ടിയാണ് നടപടി. വാക്ക് പാലിക്കാൻ കഴിയാത്തവനും ഒരു നാടിന്റെ വിശ്വാസം കാത്തുസൂക്ഷിക്കാൻ കഴിയാത്തവനും ജനപ്രതിനിധിയായി തുടരാൻ പാടില്ല. ഇതു അയാൾ പ്രതിനിധാനം ചെയ്യുന്ന പ്രസ്ഥാനത്തിനു നാണക്കേടുണ്ടാക്കും. ഇത് ഒഴിവാക്കാനാണ് തന്റെ രാജിയെന്നും രാജീവ് …

സംസ്ഥാനത്ത് പാൽവില ഉടൻ വർധിക്കില്ല; തിരക്കിട്ട വർധന വേണ്ടെന്ന് മിൽമ ബോർഡ് യോഗം

by WEB EDITORState Tuesday, 15 July 2025, 15:57Tuesday, 15 July 2025, 15:57No Comments

തിരുവനന്തപുരം: സംസ്ഥാനത്ത് പാൽവില ഉടൻ വർധിപ്പിക്കേണ്ടതില്ലെന്ന് മിൽമ ബോർഡ് യോഗത്തിൽ തീരുമാനം. വില 60 രൂപയായി വർധിപ്പിക്കണമെന്ന് തിരുവനന്തപുരം, എറണാകുളം, മലബാർ യൂണിയനുകൾ ശുപാർശ ചെയ്തിരുന്നു. എന്നാൽ വൻ വർധനവിലേക്ക് ഉടൻ പോകേണ്ടതില്ലെന്ന് യോഗം തീരുമാനിക്കുകയായിരുന്നു. നിലവിൽ കൊഴുപ്പേറിയ പാൽ ലീറ്ററിന് 56 രൂപയ്ക്കാണ് വിൽക്കുന്നത്. 2022 ഡിസംബറിലാണ് അവസാനമായി പാൽവില വർധിപ്പിച്ചത്. ഉത്പാദന ചെലവ് വർധിച്ചത് ചൂണ്ടിക്കാട്ടിയാണ് യൂണിയനുകൾ വില കൂട്ടണമെന്ന് ആവശ്യപ്പെടുന്നത്.ഉത്പാദന ചെലവിന് അനുസരിച്ചുള്ള ന്യായ വില കിട്ടാത്തതിനാൽ ചെറുകിട കർഷകരും ഫാം ഉടമകളും …

സി എം പി നേതാവ് നെല്ലിക്കാട്ടെ എം മാധവന്‍ അന്തരിച്ചു

by WEB EDITORLocal News Tuesday, 15 July 2025, 14:54Tuesday, 15 July 2025, 14:54No Comments

കാസര്‍കോട്: സി എം പി നേതാവും മുന്‍ ജില്ലാ സഹകരണ ബാങ്ക് ജീവനക്കാരനുമായ കാഞ്ഞങ്ങാട്, നെല്ലിക്കാട്ടെ എം മാധവന്‍ (65) അന്തരിച്ചു. കോട്ടപ്പാറ ശ്രീറാം ട്രേഡേഴ്‌സിലെ സെക്യൂരിറ്റി ജീവനക്കാരനായിരുന്നു. ചൊവ്വാഴ്ച്ച രാവിലെ ജോലി കഴിഞ്ഞ് വീട്ടിലെത്തി ചായ കുടിച്ച ശേഷം വിശ്രമിക്കുന്നതിനിടയിലാണ് ഹൃദയാഘാതം ഉണ്ടായത്. ഉടന്‍ മാവുങ്കാലിലെ സ്വകാര്യ ആശുപത്രിയില്‍ എത്തിച്ചുവെങ്കിലും രക്ഷിക്കാനായില്ല.മൃതദേഹം പരിയാരം മെഡിക്കല്‍ കോളേജിനു വിട്ടുകൊടുക്കണമെന്ന് മാധവന്‍ നേരത്തെ അറിയിച്ചിരുന്നതായി ബന്ധുക്കള്‍ പറഞ്ഞു. മൃതദേഹം മോര്‍ച്ചറിയിലേയ്ക്ക് മാറ്റി. ഭാര്യ: ഓമന. മക്കള്‍: മനു (അധ്യാപകന്‍, …

സഅദിയ്യക്ക് ലോ കോളേജ് അനുവദിച്ചു; കെട്ടിട ശിലാസ്ഥാപനം ജൂലായ് 17ന്

by WEB EDITORLocal News Tuesday, 15 July 2025, 14:23Tuesday, 15 July 2025, 14:23No Comments

കാസര്‍കോട്: ദേളി ജാമിഅസഅദിയ്യ അറബിയ്യയില്‍ ലോ കോളേജ് അനുവദിച്ചു കൊണ്ട് സര്‍ക്കാര്‍ ഉത്തരവായി. അഞ്ചുവര്‍ഷത്തെ ബി എ എല്‍ എല്‍ ബി ഇന്റഗ്രേറ്റഡ് കോഴ്‌സിനാണ് അനുമതി ലഭിച്ചതെന്നു ഭാരവാഹികളായ മുഹമ്മദലി സഖാഫി തൃക്കരിപ്പൂര്‍, ബി എസ് അബ്ദുല്ലകുഞ്ഞി ഫൈസി, പള്ളങ്കോട് അബ്ദുല്‍ ഖാദര്‍ മദനി, ഹാജി അബ്ദുല്ല ഹുസൈന്‍ കടവത്ത്, കൊല്ലമ്പാടി അബ്ദുല്‍ ഖാദര്‍ സഅദി, മുസ്തഫ പി വി എന്നിവരാണ് ഇക്കാര്യം അറിയിച്ചത്. ലോ കോളേജ് കെട്ടിടത്തിന്റെ ശിലാസ്ഥാപനം ജൂലായ് 17ന് ചട്ടഞ്ചാല്‍, കോളിയടുക്കം കാമ്പസില്‍ …

മന്ത്രവാദ ചികിത്സക്കിടയില്‍ പീഡനം; സിദ്ധനെ രണ്ടു ദിവസത്തേക്ക് പൊലീസ് കസ്റ്റഡിയില്‍ വിട്ടു

by WEB EDITORLocal News Tuesday, 15 July 2025, 14:18Tuesday, 15 July 2025, 14:18No Comments

കാസര്‍കോട്: മന്ത്രവാദ ചികിത്സയ്ക്കിടയില്‍ 55 കാരിയെ പീഡിപ്പിച്ച കേസിലെ പ്രതിയെ രണ്ടു ദിവസത്തേക്ക് പൊലീസ് കസ്റ്റഡിയില്‍ വിട്ടു. കണ്ണൂര്‍, കക്കാട് സ്വദേശിയും തളിപ്പറമ്പില്‍ ക്വാര്‍ട്ടേഴ്‌സില്‍ താമസക്കാരനുമായ ഷിഹാബുദ്ദീന്‍ തങ്ങളെ (52)യാണ് ഹൊസ്ദുര്‍ഗ് ഫസ്റ്റ് ക്ലാസ് മജിസ്‌ട്രേറ്റ് കോടതി, ഹൊസ്ദുര്‍ഗ് പൊലീസ് ഇന്‍സ്‌പെക്ടര്‍ പി. അജിത്ത്കുമാറിന്റെ കസ്റ്റഡിയില്‍ വിട്ടത്. പ്രതിയെ വിശദമായി ചോദ്യം ചെയ്യുകയും മന്ത്രവാദത്തിനു ഉപയോഗിക്കുന്ന ‘മാന്ത്രിക ശക്തി’ ഉണ്ടെന്നു പറയുന്ന വടി കണ്ടെടുക്കുകയുമാണ് പൊലീസിന്റെ ലക്ഷ്യം.ഹൊസ്ദുര്‍ഗ്ഗ് പൊലീസ് സ്റ്റേഷന്‍ പരിധിയില്‍ താമസക്കാരിയായ സ്ത്രീയുടെ പരാതി പ്രകാരമാണ് …

സ്‌കൂള്‍ സമയമാറ്റം: മന്ത്രി ശിവന്‍കുട്ടിയുടെ നിലപാട് ധിക്കാരപരം: ഉമ്മര്‍ ഫൈസി

by WEB EDITORState Tuesday, 15 July 2025, 12:28Tuesday, 15 July 2025, 12:28No Comments

കോഴിക്കോട്: സ്‌കൂള്‍ സമയമാറ്റത്തില്‍ മന്ത്രി ശിവന്‍കുട്ടിക്ക് ധിക്കാര പരമായ നിലപാടാണെന്ന് സമസ്ത നേതാവ് മുക്കം ഉമ്മര്‍ ഫൈസി അഭിപ്രായപ്പെട്ടു. സ്‌കൂള്‍ സമയമാറ്റത്തെ കുറിച്ച് സ്വീകരിക്കേണ്ടുന്ന നിലപാട് ചര്‍ച്ച ചെയ്യാന്‍ സമസ്ത യോഗം ചൊവ്വാഴ്ച ചേരാനിരിക്കവെയാണ് ഉമ്മര്‍ ഫൈസി മന്ത്രിക്കും സര്‍ക്കാരിനും എതിരെ ആഞ്ഞടിച്ചത്.സമയമാറ്റക്കാര്യത്തില്‍ ചര്‍ച്ചയ്ക്കില്ലെന്ന നിലപാട് ശരിയല്ല. മാറ്റമില്ലെങ്കില്‍ പിന്നെന്തിനു ചര്‍ച്ചയ്ക്ക് വിളിക്കണം. മന്ത്രിയുടെ ഈ നിലപാട് അംഗീകരിക്കുവാന്‍ കഴിയില്ല. മുസ്ലീം സമുദായത്തെ അവഗണിച്ചു കൊണ്ടു സര്‍ക്കാരിനു മുന്നോട്ടു പോകാന്‍ കഴിയില്ല- അദ്ദേഹം വ്യക്തമാക്കി.

ബാങ്ക് ജീവനക്കാരന്റെ കൈയില്‍ നിന്നു തട്ടിപ്പറിച്ച 39ലക്ഷം രൂപ കുഴിച്ചിട്ട നിലയില്‍ കണ്ടെത്തി; പ്രതിയുടെ വാദം പൊളിഞ്ഞു

by WEB EDITORState Tuesday, 15 July 2025, 11:56Tuesday, 15 July 2025, 11:56No Comments

കോഴിക്കോട്: പന്തീരാങ്കാവില്‍ ബാങ്ക് ജീവനക്കാരില്‍ നിന്നും തട്ടിയെടുത്ത 39ലക്ഷം രൂപ കുഴിച്ചിട്ട നിലയില്‍ കണ്ടെത്തി. കേസിലെ മുഖ്യപ്രതി ഷിബിന്‍ ലാലിന്റെ വീട്ടു പറമ്പില്‍ നിന്നു അരകിലോമീറ്റര്‍ അകലെയുള്ള പറമ്പില്‍ പ്ലാസ്റ്റിക് കവറിലാക്കി കുഴിച്ചിട്ട നിലയിലാണ് പണം കണ്ടെത്തിയത്.ജൂണ്‍ 11ന് ആണ് പന്തീരാങ്കാവ് ഇസാഫ് ബാങ്ക് ജീവനക്കാരെ കബളിപ്പിച്ച് ഷിബിന്‍ലാല്‍ പണം കവര്‍ന്നത്. പന്തീരാങ്കാവിലെ അക്ഷയ എന്ന ധനകാര്യ സ്ഥാപനത്തില്‍ പണയം വച്ച സ്വര്‍ണ്ണം ടേക്ക് ഓവര്‍ ചെയ്യാന്‍ എത്തിയ ഇസാഫ് ബാങ്ക് ജീവനക്കാരനില്‍ നിന്നു ഷിബിന്‍ ലാല്‍ …

തൊഴിലുറപ്പ് തൊഴിലാളി പാചകത്തിനിടയില്‍ കുഴഞ്ഞു വീണു മരിച്ചു

by WEB EDITORLocal News Tuesday, 15 July 2025, 11:08Tuesday, 15 July 2025, 11:08No Comments

കാസര്‍കോട്: ഭക്ഷണം പാകം ചെയ്യുന്നതിനിടയില്‍ തൊഴിലുറപ്പ് തൊഴിലാളി കുഴഞ്ഞു വീണു മരിച്ചു. പൊയ്‌നാച്ചി, പറമ്പ, കുണ്ടടുക്കത്തെ പരേതനായ കോരന്‍- കുഞ്ഞിപ്പെണ്ണ് ദമ്പതികളുടെ മകള്‍ സുധ(37)യാണ് മരിച്ചത്. ചൊവ്വാഴ്ച രാവിലെ എഴുമണിക്ക് അടുക്കളയില്‍ ഭക്ഷണം പാചകം ചെയ്യുകയായിരുന്നു സുധ. ഇതിനിടയില്‍ കുഴഞ്ഞു വീഴുകയായിരുന്നു. മകളും കരിച്ചേരി ഗവ. യു പി സ്‌കൂളിലെ ഏഴാം ക്ലാസ് വിദ്യാര്‍ത്ഥിനിയുമായ രജിത വിവരം ഉടന്‍ തന്നെ അയല്‍പക്കത്തുള്ള സഹോദരനെ അറിയിച്ചു. സഹോദരനും ബന്ധുക്കളും ചേര്‍ന്ന് സുധയെ ഉടന്‍ ചട്ടഞ്ചാലിലെ ആശുപത്രിയില്‍ എത്തിച്ചു. നില …

പെരിയയില്‍ വീണ്ടും കവര്‍ച്ച; കടയുടെ പൂട്ട് തകര്‍ത്ത് അകത്ത് കടന്ന മോഷ്ടാക്കള്‍ മടങ്ങിയത് സിഗരറ്റും ഓട്‌സുമായി, സിസിടിവി ക്യാമറ തകര്‍ത്ത നിലയില്‍

by WEB EDITORLocal News Tuesday, 15 July 2025, 10:31Tuesday, 15 July 2025, 10:31No Comments

കാസര്‍കോട്: പെരിയ ബസാറില്‍ വീണ്ടും കവര്‍ച്ച. ആയമ്പാറയിലെ ഭാസ്‌കരന്റെ ഉടമസ്ഥതയിലുള്ള സുരഭി സ്‌റ്റോഴ്‌സിലാണ് കവര്‍ച്ച നടന്നത്.ഷട്ടറിലെ പൂട്ടു തകര്‍ത്ത് അകത്ത് കടന്ന മോഷ്ടാക്കള്‍ സിഗരറ്റും ഓട്‌സും നാണയങ്ങളും കൈക്കലാക്കിയാണ് മടങ്ങിയത്. കടയുടെ മുന്‍വശത്തുള്ള സിസിടിവി ക്യാമറ തകര്‍ത്ത നിലയിലും കാണപ്പെട്ടു.ചൊവ്വാഴ്ച രാവിലെ കട തുറക്കാനെത്തിയപ്പോഴാണ് കവര്‍ച്ച നടന്ന വിവരം കടയുടമ അറിഞ്ഞത്. വിവരമറിഞ്ഞ് ബേക്കല്‍ പൊലീസ് സ്ഥലത്തെത്തി പരിശോധന നടത്തി. സിസിടിവിയില്‍ മോഷ്ടാവിന്റെതാണെന്നു കരുതുന്ന ദൃശ്യങ്ങള്‍ കണ്ടെത്തിയിട്ടുണ്ട്. ടവല്‍ കൊണ്ട് മുഖം മറച്ചുള്ള രൂപമാണ് ലഭിച്ചത്.ഒരു മാസത്തിനുള്ളില്‍ …

മഴ: മീഞ്ചയില്‍ ഒരു വീട് തകര്‍ന്നു; വീട്ടിലുണ്ടായിരുന്നവര്‍ ഓടി രക്ഷപ്പെട്ടു

by WEB EDITORLocal News Tuesday, 15 July 2025, 10:26Tuesday, 15 July 2025, 10:26No Comments

മഞ്ചേശ്വരം: തിങ്കളാഴ്ച ഉണ്ടായ ശക്തമായ കാറില്ലും മഴയിലും മീഞ്ച അരിയാല കള്ളിഗയിലെ ബാബുറൈയുടെ വീട് തകര്‍ന്നു. അപകടസമയത്തു വീട്ടിനുള്ളിലുണ്ടായിരുന്ന ബാബു റൈയുടെ പിതാവും മകളും ഓടിരക്ഷപ്പെട്ടു. വീട്ടുപകരണങ്ങളും സാധനങ്ങളും നശിച്ചു. സംഭവമറിഞ്ഞ് ഓടിയെത്തിയ അയല്‍ക്കാര്‍ ഇവരെ അടുത്ത വീട്ടിലേക്കു മാറ്റി. അധികൃതരെ വിവരമറിയിച്ചിട്ടുണ്ട്.

ബസില്‍ കടത്തിയ 139.38ഗ്രാം മയക്കുമരുന്നുമായി കുഞ്ചത്തൂര്‍ സ്വദേശി അറസ്റ്റില്‍

by WEB EDITORLocal News Tuesday, 15 July 2025, 10:25Tuesday, 15 July 2025, 10:25No Comments

കാസര്‍കോട്: ബസില്‍ കടത്തിയ 139.38 ഗ്രാം മെത്തഫെറ്റമിന്‍ മയക്കുമരുന്നുമായി യുവാവ് അറസ്റ്റില്‍. മഞ്ചേശ്വരം, കുഞ്ചത്തൂര്‍ ഗവ. എല്‍ പി സ്‌കൂളിനു സമീപത്തെ ഹൈദരാലി (40)യെയാണ് മഞ്ചേശ്വരം എക്‌സൈസ് ഇന്‍സ്‌പെക്ടര്‍ ജിനു ജയിംസും സംഘവും അറസ്റ്റു ചെയ്തത്. മഞ്ചേശ്വരം എക്‌സൈസ് ചെക്ക് പോസ്റ്റില്‍ വച്ച് കര്‍ണ്ണാടക കെ എസ് ആര്‍ ടി ബസിനകത്ത് നടത്തിയ പരിശോധനയിലാണ് മയക്കുമരുന്ന് പിടികൂടിയത്.എക്‌സൈസ് സംഘത്തില്‍ പ്രിവന്റീവ് ഓഫീസര്‍ പി കെ ബാബുരാജ്, സിവില്‍ എക്‌സൈസ് ഓഫീസര്‍ ടി പി സജിത്ത് എന്നിവരും ഉണ്ടായിരുന്നു.മറ്റൊരു …

കാണാതായ കര്‍ഷകന്റെ മൃതദേഹം കുളത്തില്‍

by WEB EDITORLocal News Tuesday, 15 July 2025, 9:54Tuesday, 15 July 2025, 9:55No Comments

കാസര്‍കോട്: കാണാതായ കര്‍ഷകനെ കുളത്തില്‍ മരിച്ച നിലയില്‍ കണ്ടെത്തി. കുംബഡാജെ, അഗല്‍പ്പാടി, പത്മാറിലെ ബാലകൃഷ്ണ ഭട്ടി(73)ന്റെ മൃതദേഹമാണ് കവുങ്ങിന്‍ തോട്ടത്തിലെ കുളത്തില്‍ കാണപ്പെട്ടത്. ഞായറാഴ്ച രാത്രി ഏഴുമണിയോടെ വീട്ടില്‍ വച്ചാണ് ബാലകൃഷ്ണ ഭട്ടിനെ കാണാതായത്. വീട്ടുകാര്‍ തെരച്ചില്‍ നടത്തിയെങ്കിലും കണ്ടെത്താന്‍ കഴിഞ്ഞില്ല. ഭര്‍ത്താവിനെ കാണാതായതു സംബന്ധിച്ച് ഭാര്യ ശ്യാമള തിങ്കളാഴ്ച രാവിലെ ബദിയഡുക്ക പൊലീസില്‍ പരാതി നല്‍കിയിരുന്നു. അന്വേഷണം തുടരുന്നതിനിടയിലാണ് തിങ്കളാഴ്ച ഉച്ചയ്ക്ക് മൃതദേഹം കുളത്തില്‍ കണ്ടെത്തിയത്. ബദിയഡുക്ക പൊലീസ് ഇന്‍ക്വസ്റ്റ് നടത്തിയ ശേഷം മൃതദേഹം പോസ്റ്റുമോര്‍ട്ടത്തിനായി …

കാസര്‍കോട്ട് കാവുഗോളി കടപ്പുറത്ത് കടലാക്രമണം; സുരക്ഷിത നടപടി ഉടന്‍ വേണം: ബിജെപി

by WEB EDITORLocal News Tuesday, 15 July 2025, 9:49Tuesday, 15 July 2025, 9:49No Comments

കാസര്‍കോട്: മൊഗ്രാല്‍ പുത്തൂര്‍ ഗ്രാമ പഞ്ചായത്തിലെ കാവുഗോളി കടപ്പുറത്ത് കടല്‍ക്ഷോഭം രൂക്ഷമായിരിക്കുകയാണെന്നു ബിജെപി മുന്നറിയിച്ചു. 200 വോളം മത്സ്യത്തൊഴിലാളി കുടുംബങ്ങള്‍ താമസിക്കുന്ന ഇവിടെ എല്ലാവര്‍ക്കും പ്രധാന റോഡിലെത്താന്‍ ശരിയായ കണക്ഷന്‍ റോഡ് ഇല്ല. ആരോഗ്യപ്രശ്‌നമോ മറ്റ് അടിയന്തര ആവശ്യങ്ങളോ ഉണ്ടാകുമ്പോള്‍, ചേരങ്കൈ റോഡിനെ ആശ്രയിക്കുന്നു. എന്നാല്‍ കടല്‍ക്ഷോഭ മൂലം ഈ ഏക റോഡും ഭീഷണി നേരിടുന്നു. കഴിഞ്ഞ കുറേ വര്‍ഷങ്ങളായി പ്രദേശവാസികള്‍ നേരിടുന്ന ഈ പ്രശ്‌നത്തിന് ഇതുവരെ ഒരു പരിഹാരവും കണ്ടെത്തിയിട്ടില്ല. അധികൃതരുടെയും ജനപ്രതിനിധികളുടെയും വാതിലുകളില്‍ മുട്ടി, …