കൊടിയമ്മ നുസ്റത്തുല്‍ ഇസ്ലാം സംഘം വാര്‍ഷിക പരിപാടികള്‍ക്ക് തുടക്കമായി

കുമ്പള: കൊടിയമ്മ കേന്ദ്രീകരിച്ച് പ്രവര്‍ത്തിച്ചു വരുന്ന നുസ്റത്തുല്‍ ഇസ്ലാം സംഘം 23-ാം വാര്‍ഷിക മീലാദ് മെഹ്ഫില്‍ പരിപാടികള്‍ക്ക് തുടക്കമായി. ശനി, ഞായര്‍ ദിവസങ്ങളില്‍ ഊജാര്‍ ത്വാഹ നഗറിലാണ് പരിപാടികള്‍. ശനിയാഴ്ച വൈകിട്ട് 3.30ന് എന്‍.ഐ.എസ് പ്രസിഡന്റ് അഷ്‌റഫ് കൊടിയമ്മ പതാക ഉയര്‍ത്തി. തുടര്‍ന്ന് മീലാദ് മെഹ്ഫില്‍ കൊടിയമ്മ ജമാഅത്ത് മുദരിസ് സലിം അഹ്‌സനി ഉദ്ഘാടനം ചെയ്തു. അബുബക്കര്‍ സാലൂദ് നിസാമി അധ്യക്ഷത വഹിച്ചു. കൊടിയമ്മ ഖത്തീബ് മഹ്‌മൂദ് സഅദി പ്രാര്‍ത്ഥന നടത്തി. തുടര്‍ന്ന് നടന്ന മീലാദ് റാലിയെ …

മുട്ടം ബേരിക്ക കടപ്പുറത്ത് 47 കാരനെ മരിച്ച നിലയില്‍ കണ്ടെത്തി

കാസര്‍കോട്: മുട്ടം ബേരിക്ക കടപ്പുറത്ത് 47 കാരനെ മരിച്ച നിലയില്‍ നാട്ടുകാര്‍ കണ്ടെത്തി. മണ്ടേക്കാപ്പ് കൂടാല്‍ മെര്‍ക്കളയിലെ പരേതരായ മദന മൂല്യയുടെയും കമലയുടെയും മകന്‍ എന്‍ ഗോപാല എന്ന ദേവു ആണ് മരിച്ചത്. ശനിയാഴ്ച ഉച്ചയോടെയാണ് മൃതദേഹം നാട്ടുകാര്‍ കണ്ടെത്തിയത്. മൃതദേഹം കാസര്‍കോട് ജനറല്‍ ആശുപത്രി മോര്‍ച്ചറിയിലേക്ക് മാറ്റി. കൂലിപ്പണിക്കാരനായ ദേവു കഴിഞ്ഞ 15 വര്‍ഷത്തിലധികമായി ബന്തിയോട്ടെ വാട ക്വാര്‍ട്ടേഴ്‌സില്‍ തനിച്ചാണ് താമസം. സഹോദരങ്ങള്‍: സുന്ദര, സഞ്ചീവ, ഗിരിജ, ദേവകി.

കാണാതായ ഗൃഹനാഥനെ ചാലില്‍ മരിച്ച നിലയില്‍ കണ്ടെത്തി

കാസര്‌കോട്: കാണാതായ ഗൃഹനാഥനെ ചാലില്‍ മരിച്ച നിലയില്‍ കണ്ടെത്തി. ചേറ്റുകുണ്ട് കുപ്പച്ചി നിലയത്തിലെ കെ നാരായണ(63) ആണ് മരിച്ചത്. വെള്ളിയാഴ്ച രാത്രി 11 മണിയോടെ വീട്ടില്‍ നിന്നും പുറത്തുപോയ നാരായണനെ പിന്നീട് കാണാതാവുകയായിരുന്നു. വീട്ടുകാര്‍ പരിസരപ്രദേശത്തും മറ്റും അന്വേഷണം നടത്തിയെങ്കിലും കണ്ടെത്താനായില്ല. തുടര്‍ന്ന് ബേക്കല്‍ പൊലീസില്‍ പരാതി നല്‍കിയിരുന്നു. ശനിയാഴ്ച രാവിലെ നടന്ന തിരച്ചിലില്‍ പത്തരയോടെ വീടിന് സമീപത്തെ ബി.ആര്‍.ഡി.സി കോംപൗണ്ടിലെ ചാലില്‍ മരിച്ച നിലയില്‍ കണ്ടെത്തുകയായിരുന്നു. പൊലീസെത്തി മൃതദേഹം കാസര്‍കോട് ജനറലാശുപത്രിയിലേക്ക് മാറ്റി. പോസ്റ്റുമോര്‍ട്ടത്തിന് ശേഷം …

ബാവിക്കര കുന്നില്‍ നുസ്രത്ത് നഗര്‍ ബദര്‍ ജുമാമസ്ജിദ് പ്രസിഡണ്ട് ബി ഹസൈനാര്‍ അന്തരിച്ചു

ബോവിക്കാനം: ബാവിക്കര കുന്നില്‍ നുസ്രത്ത് നഗര്‍ ബദര്‍ ജുമാ മസ്ജിദ് പ്രസിഡണ്ട് ബി.ഹസൈനാര്‍ (73) അന്തരിച്ചു. നുസ്‌റത്തുല്‍ ഇസ്ലാം സംഘം സ്ഥാപക ജനറല്‍ സെക്രട്ടറി,ബദര്‍ ജുമാ മസ്ജിദ് ജനറല്‍ സെക്രട്ടറി, ട്രഷറര്‍ എന്നീ നിലകളിലും പ്രവര്‍ത്തിച്ചിരുന്നു. പരേതരായഇദ്ധീന്‍ മുഹമ്മദിന്റെയും ബീഫാത്തിമയുടെയും മകനാണ്. ഭാര്യ: ഹഫ്‌സ (നായന്മാര്‍മൂല). മക്കള്‍: ശരീഫ്, കലാം, സൈഫുദ്ധീന്‍, സിനാന്‍, കബീര്‍, സാജിദ, ജസീറ. സഹോദരങ്ങള്‍: അബ്ദുല്ല, അബ്ദുല്‍ റഹിമാന്‍, അശ്‌റഫ്, ആയിഷ, റുഖിയ, നഫീസ, സാറ.

ആദ്യ പരിശോധനയില്‍ ഒന്നും കണ്ടെത്താനായില്ല, ആശുപത്രിയിലെ സ്‌കാനിംഗില്‍ കുടുങ്ങി; മലദ്വാരത്തില്‍ ഒളിപ്പിച്ചു കടത്തിയ 20 ഗ്രാം എംഡിഎംഎയുമായി യുവാവ് പിടിയില്‍

തൃശൂര്‍: മലദ്വാരത്തില്‍ ഒളിപ്പിച്ചു കടത്തിയ 20 ഗ്രാം എംഡിഎംഎയുമായി യുവാവ് പിടിയില്‍. ആലുവ സ്വദേശി റിച്ചു ആണ് എക്‌സൈസിന്റെ പിടിയിലായത്. ബംഗളൂരുവില്‍ നിന്നും ട്രെയിന്‍ മാര്‍ഗം തൃശൂര്‍ റെയില്‍വേ സ്റ്റേഷനില്‍ എത്തിയപ്പോഴാണ് പിടിയിലായത്. രഹസ്യ വിവരത്തിന്റെ അടിസ്ഥാനത്തില്‍ ആയിരുന്നു പരിശോധന. ആദ്യഘട്ടത്തില്‍ യുവാവിനെ പരിശോധിച്ചപ്പോള്‍ എംഡിഎംഎ കണ്ടെത്തിയില്ല. പിന്നീട് ഇയാളെ തൃശ്ശൂര്‍ ജില്ലാ ജനറല്‍ ആശുപത്രിയില്‍ എത്തിച്ച് നടത്തിയ സ്‌കാനിംഗില്‍ ആണ് മയക്കുമരുന്ന് കണ്ടെത്തിയത്. തുടര്‍ന്ന് ഓപ്പറേഷന്‍ തിയേറ്ററില്‍ കയറ്റി സര്‍ജന്റെ സഹായത്തോടെയാണ് മയക്കുമരുന്ന് പുറത്തെടുത്തത്. ഇയാള്‍ …

കരിവെള്ളൂര്‍ പാലക്കുന്നിലെ പൂരക്കളി കലാകാരന്‍ കെ ദാമോദരന്‍ അന്തരിച്ചു

പയ്യന്നൂര്‍: കരിവെള്ളൂര്‍ പാലക്കുന്നില്‍ നിടുവപ്പുറം റോഡിലെ പഴയ കാലനെയ്ത്തു തൊഴിലാളിയും പൂരക്കളി കലാകാരനുമായിരുന്ന കാരിച്ചീരെ ദാമോദരന്‍ (80) അന്തരിച്ചു. വട്ടക്കുളത്ത് അപ്പുവിന്റെയും കാരിച്ചീരെ ചിരുതയുടെയും മകനാണ്. ഭാര്യ: പുതിയ പുരയില്‍ നാരായണി. മക്കള്‍: ശകുന്തള(കുണിയന്‍ ), അജയന്‍ പി.പി (എ.എസ്.ഐ കാസര്‍കോട്), പരേതയായ ഗീത. മരുമക്കള്‍: രമേശന്‍ (കെഎസ്ഇബി വെള്ളൂര്‍), വി ലീന (മടക്കര ചെറുവത്തൂര്‍), അമ്പുകുഞ്ഞി(മാണിയാട്ട്). സഹോദരങ്ങള്‍: കുഞ്ഞിരാമന്‍ കെ (ചീറ്റ), പരേതരായ പാറു, ലക്ഷ്മി.

കെട്ടിടത്തിന്റെ രണ്ടാംനിലയില്‍ നിന്ന് വീണ് സെന്‍ട്രിംഗ് തൊഴിലാളിക്ക് ദാരുണാന്ത്യം, സംഭവം നാരായണമംഗലത്ത് ഇരുനില വീടിന്റെ നിര്‍മാണത്തിനിടെ

കാസര്‍കോട്: വീടു നിര്‍മാണത്തിനിടെ രണ്ടാംനിലയില്‍ നിന്ന് വീണ് സെന്‍ട്രിംഗ് തൊഴിലാളിക്ക് ദാരുണാന്ത്യം. കുമ്പള ഷേഡിക്കാവ് സ്വദേശി ശങ്കര്‍ എന്ന ഗംഗു(52) ആണ് മരിച്ചത്. ശനിയാഴ്ച ഉച്ചയ്ക്ക് രണ്ടുമണിയോടെ നാരായണമംഗലത്തെ ഇരുനില വീടിന്റെ നിര്‍മാണത്തിനിടെയാണ് അപകടം. നിലത്തുനീണ ശങ്കറിനെ മറ്റു തൊഴിലാളികള്‍ ഉടന്‍ കുമ്പളയിലെ ജില്ലാ സഹകരണ ആശുപത്രിയിലെത്തിച്ചെങ്കിലും മരിച്ചിരുന്നു. പൊലീസെത്തി മൃതദേഹം കാസര്‍കോട് ജനറല്‍ ആശുപത്രി മോര്‍ച്ചറിയിലേക്ക് മാറ്റും. അവിവാഹിതനാണ് ശങ്കര്‍. പരേതരായ നാരായണ ഷെട്ടിയുടെയും നമ്മക്കയുടെയും മകനാണ്. സഹോദരങ്ങള്‍: സദാ ഷെട്ടി, വിമല, ലക്ഷ്മി.

വൊര്‍ക്കാടി പഞ്ചായത്തില്‍ കക്കൂസ് മാലിന്യം റോഡിലൊഴുക്കി; പഞ്ചായത്ത് സെക്രട്ടറിയുടെ പരാതിയില്‍ കേസെടുത്തു

കാസര്‍കോട്: വൊര്‍ക്കാടി പഞ്ചായത്തിലെ മൊറത്തണയില്‍ കക്കൂസ് മാലിന്യം റോഡിലൊഴുക്കിയ സംഭവത്തില്‍ മഞ്ചേശ്വരം പൊലീസ് കേസെടുത്തു. പഞ്ചായത്ത് സെക്രട്ടറി എം അജിത്തിന്റെ പരാതിയിലാണ് പൊലീസ് നടപടി. കഴിഞ്ഞ വ്യാഴാഴ്ചയാണ് ലോറിയില്‍ കൊണ്ടുവന്ന കക്കൂസ് മാലിന്യം റോഡിലും തോടിലും പൊതുസ്ഥലത്തും നിക്ഷേപിച്ചത്. നാട്ടുകാരുടെ വിവരത്തെ തുടര്‍ന്ന് സിസിടിവി ദൃശ്യത്തിലൂടെ മലിനജലം ഒഴുക്കിവിട്ട ലോറിയും ആള്‍ക്കാരെയും തിരിച്ചറിഞ്ഞു. പഞ്ചായത്തിലെ 16-ാം വാര്‍ഡിലെ മൊറത്തണ മുതല്‍ അരിബൈല്‍ കജേക്കൊടി എക്‌സ്‌പ്ലോറര്‍ സ്‌കൂളിന് സമീപം പിഡബ്യൂഡി റോഡരികിലാണ് നിക്ഷേപിച്ചത്. കര്‍ണാടക രജിസ്‌ട്രേഷനിലുള്ള ടാങ്കര്‍ ലോറിയിലാണ് …

കേരള ലോട്ടറി ടിക്കറ്റെടുക്കുന്നവരുടെ ശ്രദ്ധയ്ക്ക്, ഭാഗ്യശാലികളുടെ എണ്ണം കുറച്ചു; 5000 രൂപയുടെയും 1000 രൂപയുടെയും സമ്മാനങ്ങളുടെ എണ്ണം ചുരുക്കും, കാരണം ജിഎസ്ടി

തിരുവനന്തപുരം: ലോട്ടറിക്ക് നാല്‍പത് ശതമാനം ജിഎസ്ടി നിരക്ക് ഏര്‍പ്പെടുത്തിയതോടെലോട്ടറിയുടെ സമ്മാനങ്ങളുടെ എണ്ണവും, എജന്റ് കമ്മീഷനുകളും കുറച്ചു. ആകെ സമ്മാനങ്ങളില്‍ 6500-ത്തോളമാണ് കുറച്ചത്. ആകെ ഒരുകോടി രൂപയിലധികം തുക സമ്മാനത്തുകയിലും കുറഞ്ഞു. എന്നാല്‍ ടിക്കറ്റ് വില മാറ്റമില്ലാതെ തുടരും. തിങ്കളാഴ്ച മുതല്‍ പുതിയ ജിഎസ്ടി നിരക്കുകള്‍ നിലവില്‍ വരും. 28 ശതമാനമായിരുന്ന ലോട്ടറിയുടെ ജിഎസ്ടി 40 ശതമാനമായാണ് ഉയരുക.മുന്‍പ് സുവര്‍ണ കേരളം ടിക്കറ്റില്‍ 21600 പേര്‍ക്ക് 5000 രൂപയും, 32400 പേര്‍ക്ക് 1000 രൂപയും വീതം സമ്മാനങ്ങള്‍ ലഭിക്കുമായിരുന്നു. …

കൂട്ടുകാര്‍ക്കൊപ്പം പുഴയില്‍ മീന്‍പിടിക്കാന്‍ പോയ എട്ടാം ക്ലാസ്സ് വിദ്യാര്‍ത്ഥി മുങ്ങി മരിച്ചു

കാസര്‍കോട്: വലിയപറമ്പ് ബീരാന്‍ കടവില്‍ എട്ടാം ക്ലാസ്സ് വിദ്യാര്‍ത്ഥി പുഴയില്‍ മുങ്ങി മരിച്ചു. ബീരാന്‍ കടവിലെ നിസാറിന്റെയും സമീറയുടെയും മകന്‍ ഇഎംപി മുഹമ്മദ് (13) ആണ് മരിച്ചത്. ഇളമ്പച്ചി ഗവ. വൊക്കേഷണല്‍ ഹയര്‍ സെക്കന്‍ഡറി സ്‌കൂളിലെ എട്ടാം ക്ലാസ് വിദ്യാര്‍ത്ഥിയാണ്. ശനിയാഴ്ച ഉച്ചയ്ക്ക് 12 മണിയോടെയാണ് സംഭവം. കൂട്ടുകാര്‍ക്കൊപ്പം പുഴയില്‍ മീന്‍പിടിക്കാനെത്തിയതായിരുന്നു മുഹമ്മദ്. ചൂണ്ടയിട്ട് മീന്‍ പിടിക്കുന്നതിനിടെ അബദ്ധത്തില്‍ പുഴയില്‍ വീഴുകയായിരുന്നു. തൃക്കരിപ്പൂരില്‍ നീന്നും ഫയര്‍ഫോഴ്സ് എത്തി കുട്ടിയെ പുറത്തെടുത്ത് ആശുപത്രിയില്‍ എത്തിച്ചുവെങ്കിലും മരിച്ചിരുന്നു. വിവരമറിഞ്ഞ് തൃക്കരിപ്പൂരിലെ …

നീലേശ്വരം കെ.എസ്.ഇ.ബി സെക്ഷന്‍ ഓഫീസിലെ ഓവര്‍സിയര്‍ തൂങ്ങിമരിച്ച നിലയില്‍

കാസര്‍കോട്: നീലേശ്വരം കെ.എസ്.ഇ.ബി സെക്ഷനിലെ ഓവര്‍സിയറെ തൂങ്ങി മരിച്ച നിലയില്‍ കണ്ടെത്തി. കൊടക്കാട് വെള്ളച്ചാല്‍ വന്നലോത്ത് സ്വദേശി ടിപി കുഞ്ഞിക്കണ്ണന്റെ മകന്‍ കെ വിനയന്‍(50) ആണ് മരിച്ചത്. ശനിയാഴ്ച രാവിലെ വീടിന് സമീപത്തുള്ള സ്വകാര്യ വ്യക്തിയുടെ കോഴി ഷെഡിന് പിറക് വശത്താണ് തൂങ്ങിയ നിലയില്‍ കണ്ടെത്തിയത്. വെള്ളിയാഴ്ച വൈകീട്ട് ഏഴരയോടെ വിനയനെ കാണാതായിരുന്നു. പരിയാരം മെഡിക്കല്‍ കോളേജില്‍ എത്തിച്ച മൃതദേഹം ചീമേനി പൊലീസ് ഇന്‍ക്വസ്റ്റ് നടപടികള്‍ പൂര്‍ത്തിയാക്കി. വിനയന്‍ ജീവനൊടുക്കാനുണ്ടായ കാരണം വ്യക്തമല്ല. കാഞ്ഞങ്ങാട് സെക്ഷനില്‍ ലൈന്‍മാനായിരുന്ന …

യുകെയില്‍ ജോലി വാഗ്ദാനം ചെയ്ത് കൊടക്കാട് വലിയപൊയില്‍ സ്വദേശിനിയുടെ 6 ലക്ഷം തട്ടി; ആലപ്പുഴ സ്വദേശിക്കെതിരെ കേസ്

കാസര്‍കോട്: യുകെയില്‍ നഴ്‌സിങ് ജോലിക്ക് വിസ വാഗ്ദാനം ചെയ്ത് കൊടക്കാട് വലിയപൊയില്‍ സ്വദേശിനിയുടെ 6,24,700 രൂപ തട്ടിയ ആള്‍ക്കെതിരെ ചീമേനി കേസെടുത്തു. വലിയപൊയിലിലെ അനുശ്രീ(28) ആണ് പരാതിക്കാരി. ആലപ്പുഴ മാവേലിക്കര സ്വദേശി ബിജോ ജോസഫിനെതിരെയാണ് വിശ്വാസ വഞ്ചനാക്കുറ്റത്തിന് പൊലീസ് കേസെടുത്തിരിക്കുന്നത്. സുഹൃത്ത് വഴിയാണ് ഇയാളെ യുവതിക്ക് പരിചയം. യുകെയില്‍ നഴ്‌സിങ് ജോലി ശരിയാക്കിത്തരാമെന്ന് വാഗ്ദാനം ചെയ്ത് 2023 മാര്‍ച്ച് 31 മുതല്‍ 2024 ജനുവരി 24 വരെ പല തവണയായി പണം അക്കൗണ്ട് വഴി അയപ്പിക്കുകയായിരുന്നു പ്രതി. …

പ്രായപൂര്‍ത്തിയാകാത്തവര്‍ക്ക് വാഹനം ഓടിക്കാന്‍ നല്‍കി; കുമ്പളയില്‍ മൂന്നു ആര്‍സി ഉടമകള്‍ക്കെതിരെ കേസെടുത്തു

കാസര്‍കോട്: കുമ്പളയില്‍ പ്രായപൂര്‍ത്തിയാകാത്തവര്‍ക്ക് വാഹനം ഓടിക്കാന്‍ നല്‍കിയ മൂന്നു ആര്‍സി ഉടമകള്‍ക്കെതിരെ പൊലീസ് കേസെടുത്തു. വെള്ളിയാഴ്ച വൈകീട്ട് കോയിപ്പാടിയില്‍ നടന്ന വാഹന പരിശോധനയിലാണ് കുട്ടിഡ്രൈവര്‍മാര്‍ കുടുങ്ങിയത്. കുട്ടികള്‍ക്ക് സ്‌കൂട്ടര്‍ നല്‍കിയ മൊഗ്രാല്‍ പുത്തൂരിലെ കൈറുന്നീസ(43), കഞ്ചിക്കട്ടയിലെ ഇബ്രാഹിം(55), കൊടിയമ്മയിലെ അബ്ദുല്‍ അസീസ് എന്നിവര്‍ക്കെതിരെയാണ് കേസ്. ഓടിക്കുന്ന കുട്ടിക്കും മറ്റുള്ളവര്‍ക്കും അപകടം വരാന്‍ സാധ്യയുണ്ടെന്ന് അറിഞ്ഞുകൊണ്ട് വാഹനം ഇവര്‍ വിട്ടുനല്‍കിയെന്നാണ് കേസ്. വെള്ളിയാഴ്ച വൈകുന്നരം മൊഗ്രാല്‍ ജി.വി.എച്ച്.എസ്.എസ്, കുമ്പള ജി.എച്ച്.എസ്.എസ് എന്നിവിടങ്ങളില്‍ ഇന്‍സ്‌പെക്ടര്‍ പികെ ജിജീഷിന്റെ നേതൃത്വത്തിലാണ് വാഹന …

കരിവെള്ളൂര്‍ വടക്കേ മണക്കാട്ടെ എല്‍ഐസി ഏജന്റ് കരിമ്പില്‍ അനില്‍കുമാര്‍ അന്തരിച്ചു

പയ്യന്നൂര്‍: കരിവെള്ളൂര്‍ വടക്കേ മണക്കാട്ടെ കരിമ്പില്‍ അനില്‍കുമാര്‍ (55) അന്തരിച്ചു. അസുഖം മൂലം ചികില്‍സിയിലായിരുന്നു. എല്‍ഐസി ഏജന്റായിരുന്നു. പി കുഞ്ഞിക്കണ്ണന്റെയും അമല കുമാരി കരിമ്പിലിന്റെയും മകനാണ്. ഭാര്യ: പ്രവീണ കണ്ണോത്ത്(പുത്തൂര്‍). മക്കള്‍: കെ അപര്‍ണ്ണ(അധ്യാപിക നോര്‍ത്ത് എയുപി സ്‌കൂള്‍ കരിവെള്ളൂര്‍), കെ അലോക, (ജോതി എന്‍ജിനീയറിങ് കോളേജ് തൃശ്ശൂര്‍). സഹോദരങ്ങള്‍: സ്‌നേഹലത സുകുമാരന്‍(എ.എല്‍.പി.എസ് ബല്ല കടപ്പുറം ഹെഡ്മിസ്ട്രസ്), സത്യജിത്ത് കരിമ്പില്‍ (മര്‍ച്ചന്റ് നേവി). സംസ്‌കാരം ശനിയാഴ്ച ഉച്ചയ്ക്ക് 1.30 ന് പെരളം പൊതുശ്മശാനത്തില്‍.

പണത്തെ ചൊല്ലിയുള്ള തർക്കം; മദ്യ ലഹരിയിൽ ജ്യേഷ്ഠൻ അനിയനെ കുത്തിക്കൊന്നു

മലപ്പുറം: മലപ്പുറത്ത് ജ്യേഷ്ഠൻ അനിയനെ കുത്തിക്കൊലപ്പെടുത്തി. വെള്ളിയാഴ്ച രാത്രി വഴിക്കടവ് മൊടപൊയ്കയിലാണ് സംഭവം. വഴിക്കടവ് സ്വദേശി ബാബു വര്‍ഗീസാണ് (52) മരിച്ചത്. ജ്യേഷ്ഠന്‍ രാജു മത്തായി (54)യാണ് കൊലപ്പെടുത്തിയത്. പണത്തെ ചൊല്ലി ഇരുവരും തമ്മിൽ വാക്കേറ്റം ഉണ്ടായിരുന്നു. വാക്ക് തര്‍ക്കത്തിനിടയില്‍ ജ്യേഷ്ഠന്‍ കത്തിയെടുത്ത് കുത്തുകയായിരുന്നു. സംഭവസമയത്ത് രാജു മദ്യപിച്ചിരുന്നു. സ്ഥിരമായി പണം ആവശ്യപ്പെട്ട് അനിയനെ രാജു ഭീഷണിപ്പെടുത്തിയിരുന്നു. വിവരം അറിഞ്ഞ എത്തിയ പൊലീസ് രാജുവിനെ അറസ്റ്റ് ചെയ്തിട്ടുണ്ട്. മൃതദേഹം നിലമ്പൂര്‍ സര്‍ക്കാര്‍ ആശുപത്രിയിലെ മോര്‍ച്ചറിയിലേക്ക് മാറ്റി.

നിരോധിത പ്ലാസ്റ്റിക് പ്ലേറ്റുകളും ഗ്ലാസുകളും ഉപയോഗിക്കുന്നു, പ്ലാസ്റ്റിക് മാലിന്യങ്ങൾ അലക്ഷ്യമായി കൂട്ടിയിടുന്നു, മാലിന്യ സംസ്‌കരണ രംഗത്തെ നിയമലംഘനം; കടകൾക്കും ഹോട്ടലുകൾക്കും ജില്ലാ എന്‍ഫോഴ്‌സ്‌മെന്റ് സ്‌ക്വാഡ് പിഴ ചുമത്തി

കാസർകോട്: മാലിന്യ സംസ്‌കരണ രംഗത്തെ നിയമലംഘനങ്ങള്‍ തടയുന്നതിനായി ജില്ലാ എന്‍ഫോഴ്‌സ്‌മെന്റ് സ്‌ക്വാഡ് നടത്തിയ പരിശോധനയില്‍ കടകൾക്കും ഹോട്ടലുകൾക്കും പിഴ ചുമത്തി. നിരോധിത ഒറ്റത്തവണ ഉപയോഗ പ്ലാസ്റ്റിക് ഉത്പ്പന്നങ്ങള്‍ പിടിച്ചെടുത്തു. മുളിയാര്‍ പഞ്ചായത്തിലെ മാസ്ത്തിക്കുണ്ടിലെ മാര്‍ട്ട്, ചെങ്കളയിലെ റഹ്‌മാനിയ നഗറിലെ സൂപ്പര്‍ മാര്‍ക്കറ്റ്, നായന്മാര്‍മൂലയിലെ ഏജന്‍സീസ് എന്നിവിടങ്ങളിലെ ഉടമകള്‍ക്ക് 10,000 രൂപ വീതം പിഴ ചുമത്തി. ഒറ്റത്തവണ ഉപയോഗിക്കുന്ന നിരോധിത പ്ലേറ്റുകളും ഗ്ലാസുകളും പ്രകൃതിക്ക് ദോഷകരമാണെന്നതിനാല്‍ ജില്ലയില്‍ പരിശോധനകള്‍ ശക്തമായി തുടരുന്നുവെന്ന് അധികൃതര്‍ അറിയിച്ചു.ബോവിക്കാനം ഹോട്ടലില്‍ മലിനജലം തുറസ്സായിടത്ത് …

കണ്ണൂരിൽ ബസും സ്കൂട്ടറും കൂട്ടിയിടിച്ച് വീട്ടമ്മ മരിച്ചു

കണ്ണൂർ: കക്കാട് ബസും സ്കൂട്ടറും കൂട്ടിയിടിച്ച് വീട്ടമ്മ മരിച്ചു. ശാദുലിപ്പള്ളി അരൂംഭാഗം തഖ് വ മസ്ജിദിന് സമീപം കെ.പി ഹൗസിൽ പരേതനായ വി.സി ഇസ്മായിലിൻ്റെ ഭാര്യ കെ.പി റഷീദ (67) ആണ് മരിച്ചത്. വെള്ളിയാഴ്ച വൈകുന്നേരം കക്കാട് പെട്രോൾ പമ്പിന് മുന്നിൽ ആണ് അപകടം. കണ്ണൂർ ഭാഗത്ത് നിന്ന് കുഞ്ഞിപ്പള്ളി ഭാഗത്തേക്ക് പോവുകയായിരുന്ന ബസ് ഇടിക്കുകയായിരുന്നു. ധനലക്ഷ്മി ആശുപത്രിയിൽ ചികിത്സലിരിക്കെ ആണ് റഷീദ മരിച്ചത്. റഷീദയുടെ ബന്ധുവായ റാഹിലയാണ് സ്കൂട്ടർ ഓടിച്ചിരുന്നത്. ഇവർക്ക് നിസാര പരിക്കേറ്റു. പരേതരായ …

പമ്പാ തീരത്ത് ഇന്ന് ആഗോള അയ്യപ്പ സംഗമം, മുഖ്യമന്ത്രി ഉദ്ഘാടനം നിർവ്വഹിക്കും; ബഹിഷ്കരിച്ച് പ്രതിപക്ഷവും ബിജെപിയും, ക്ഷണം സ്വീകരിച്ചത് തമിഴ്നാട് മാത്രം

പമ്പ: തിരുവിതാംകൂർ ദേവസ്വം സംഘടിപ്പിക്കുന്ന ആഗോള അയ്യപ്പ സംഗമം ഇന്ന് നടക്കും. ഉദ്ഘാടനം ചെയ്യാൻ മുഖ്യമന്ത്രി പിണറായി വിജയൻ വെള്ളിയാഴ്ച രാത്രി തന്നെ പമ്പയിൽ എത്തി.പമ്പയിൽ ഒരുക്കങ്ങളെല്ലാം നേരത്തെ തന്നെ പൂര്‍ത്തിയായിരുന്നു. അയ്യപ്പ സംഗമത്തിനായുള്ള ക്ഷണം തമിഴ്നാട് സർക്കാർ മാത്രമാണ് സ്വീകരിച്ചിട്ടുള്ളത്. കേരളത്തിലെ മന്ത്രിമാരും ഉദ്യോഗസ്ഥരും മാത്രമാണ് ചടങ്ങിലെ മറ്റ് ക്ഷണിതാക്കൾ. കേരളത്തിലെ പ്രതിപക്ഷവും ബി ജെ പിയും അയ്യപ്പ സംഗമം ബഹിഷ്കരിച്ചിട്ടുണ്ട്. ബഹിഷ്കരിക്കുന്ന പ്രതിപക്ഷം ജനങ്ങളിൽ നിന്ന് ഒറ്റപ്പെടുമെന്ന് ദേവസ്വം മന്ത്രി വി എൻ വാസവൻ …