വാടക നല്കാതെ 9 മാസം; ചോദിക്കാന് അപ്പാര്ട്ട്മെന്റിലെത്തിയപ്പോള് ഉടമ കണ്ടത് ജീര്ണിച്ച മൃതദേഹം, നടി ഹുമൈറ അസ്ഗര് അലിയുടെ മരണം ആത്മഹത്യയെന്ന് പൊലീസ്
കറാച്ചി: പാക്ക് ചലചിത്രതാരം ഹുമൈറ അസ്ഗര് അലി(32) യുടെ മൃതദേഹത്തിന് 9 മാസം പഴക്കമുണ്ടെന്ന് പോസ്റ്റുമോര്ട്ടം റിപ്പോര്ട്ട്. കഴിഞ്ഞയാഴ്ചയാണ് ഇവരുടെ താമസസ്ഥലത്തുനിന്ന് മൃതദേഹാവശിഷ്ടങ്ങള് കണ്ടെത്തിയത്. 2024 നവംബറിന് ശേഷം അപ്പാര്ട്ടുമെന്റിന്റെ വാടക നല്കാത്തതിനാല് ഉടമ അന്വേഷിച്ചു ചെന്നപ്പോഴാണ് പൂട്ടിയിട്ട നിലയില് മുറി കണ്ടത്. സംശയത്തെ തുടര്ന്ന് പൊലീസില് വിവരമറിയിക്കുകയായിരുന്നു. പൊലീസ് അപ്പാര്ട്ട്മെന്റിലെത്തി പരിശോധിച്ചപ്പോള് മൃതദേഹം കണ്ടെത്തി.കഴിഞ്ഞ ഒക്ടോബറിലാകും ഹുമൈറ മരിച്ചിട്ടുണ്ടാകുക എന്നാണ് അന്വേഷണ ഉദ്യോഗസ്ഥരുടെ നിഗമനം. അപ്പാര്ട്ട്മെന്റില് നടി താമസിച്ചിരുന്ന നാലാം നിലയില് മറ്റാരും ഉണ്ടായിരുന്നില്ല. അതുകൊണ്ടുതന്നെ …
