കാസര്‍കോട്: 18 കാരനെ വീട്ടിനകത്ത് തൂങ്ങി മരിച്ചനിലയില്‍ കണ്ടെത്തി. കരിന്തളം തലയടുക്കം കാരാട്ടെ പി. മിഥുന്‍ രാജ് ആണ് മരിച്ചത്. ബുധനാഴ്ച രാത്രിയാണ് സംഭവം. എറണാകുളത്ത് ഒരു കോഴ്‌സിനു പഠിക്കുകയായിരുന്നു. മാതാപിതാക്കള്‍ മടിക്കൈയിലെ വീട്ടില്‍ പോയി രാത്രി ഒമ്പത് മണിയോടെ വീട്ടില്‍ എത്തിയപ്പോഴാണ് തൂങ്ങിയ നിലയില്‍ കണ്ടത്. ഉടന്‍ തന്നെ ആശുപത്രിയില്‍ എത്തിച്ചിരുന്നെങ്കിലും മരണപ്പെട്ടിരുന്നു. കെ.രാജന്റെയും ചിമ്മത്തോട്ടെ പി. ശോഭയുടെയും മകനാണ്. സഹോദരന്‍ പി. വിപിന്‍ രാജ് (ദുബൈ). മൃതദേഹം കാഞ്ഞങ്ങാട് ജില്ലാശുപത്രിയിലേക്ക് മാറ്റി. നീലേശ്വരം പൊലീസ് ഇന്‍ക്വസ്റ്റ് നടത്തി. വിദേശത്തുള്ള സഹോദരന്‍ വിപിന്‍ നാട്ടിലെത്തിയതിന് ശേഷം വൈകുന്നേരം സംസ്‌കാരം നടക്കും.
വീണ്ടും ജീവനെടുത്ത് കാട്ടാന; ആറളത്ത് ആദിവാസി ദമ്പതികളെ ചവിട്ടിക്കൊന്നു, സ്ഥലത്ത് ജനങ്ങളുടെ പ്രതിഷേധം
Sunday, 23 February 2025, 20:01
