കാസര്‍കോട്: കാര്‍ തടഞ്ഞു നിര്‍ത്തി യുവാവിനെ ആക്രമിച്ചുവെന്ന പരാതിയില്‍ 26 പേര്‍ക്കെതിരെ കുമ്പള പൊലീസ് കേസെടുത്തു. മഞ്ചേശ്വരം, ഹൊസബെട്ടുവിലെ അബ്ദുല്‍ നിസാമുദ്ദീ(25)ന്റെ പരാതി പ്രകാരം അക്ബര്‍, മമ്മിഞ്ഞി, ഉമ്പായി, സാക്കിര്‍, സയ്യിദ് നിസാം, നൂര്‍ജ തുടങ്ങി 26 പേര്‍ക്കെതിരെയാണ് കേസെടുത്തത്. കഴിഞ്ഞ ദിവസം കുബണൂരില്‍ വച്ച് കാര്‍ തടഞ്ഞു നിര്‍ത്തി മാരകായുധങ്ങള്‍ ഉപയോഗിച്ച് അക്രമിച്ചുവെന്നും കാറിനു നാശം വരുത്തിയതായും അബ്ദുല്‍ നിസാമുദ്ദീന്‍ നല്‍കിയ പരാതിയില്‍ പറഞ്ഞു.
