കൊച്ചി: നിഷ്പക്ഷവും നീതി പൂർവകവുമായ തിരഞ്ഞെടുപ്പ് ഉറപ്പാക്കുന്നതിനു നിരോധിത വസ്തുക്കളുടെ കടത്തും അനധികൃത വ്യാപാരവും കർശനമായി തടയുന്നതിനു റവന്യൂ ഇന്റലിജൻസ് ഡയറ ക്ടറേറ്റ് കർശന നടപടി ആരംഭിച്ചു. കേരളത്തിലെ നിയമസഭാ തിരഞ്ഞെടുപ്പുമായി ബന്ധപ്പെട്ട് മാതൃകാ പെരുമാറ്റച്ചട്ടം നിലനിൽക്കുന്ന സാഹചര്യത്തിൽ അനധികൃത ചരക്കുകള്‍, മയക്കുമരുന്ന്, സ്വർണം, വിദേശ കറൻസി, വനം-വന്യജീവി ഉല്പന്നങ്ങൾ എന്നിവയുടെ കടത്തുമായോ മറ്റ് നിരോധിത പ്രവർത്തനങ്ങളുമായോ ബന്ധപ്പെട്ട വിവരങ്ങൾ ശ്രദ്ധയിൽപ്പെട്ടാൽ പ്രത്യേക ഹെൽപ്പ് ലൈൻ വഴി അറിയിക്കണമെന്ന് റവന്യൂ ഇന്റലിജൻസ് ഡയറക്ടറേറ്റ് പൊതു ജനങ്ങളോട് അഭ്യർത്ഥിച്ചു. നിരോധിത വസ്തുക്കൾ പിടികൂടുന്നതിനു സഹായകമായ തരത്തില്‍ കൃത്യമായ വിവരങ്ങൾ നൽകുന്നവർക്ക് നിലവിലെ സർക്കാർ നയങ്ങളനുസരിച്ച് പ്രതിഫലം നൽകും. വിവരങ്ങൾ പങ്കുവെക്കുന്നവരുടെ വ്യക്തിവിവരങ്ങള്‍ പൂര്‍ണമായും രഹസ്യമായി സൂക്ഷിക്കും.ഹെൽപ്പ് ലൈൻ നമ്പർ: 8089728293,ഇ-മെയിൽ: dricokic[at]nic[dot]in,വാട്സ്ആപ്പ് നമ്പർ: 8089728293. .