ന്യൂഡൽഹി : ഇറാൻ- അമേരിക്കൻ അക്രമങ്ങളുടെ പ്രത്യാഘാതം മറികടക്കുന്നതിനെ കുറിച്ച് പ്രധാനമന്ത്രി നരേന്ദ്രമോഡി ഇന്ന് വൈകിട്ട് ആറരയ്ക്ക് മുഖ്യമന്ത്രിമാരുടെ അടിയന്തരയോഗം വിളിച്ചു. വീഡിയോ കോൺഫറൻസ് വഴിയാണ് ചർച്ച. സംഘർഷത്തെ തുടർന്ന് രാജ്യം നേരിടുന്ന പാചകവാതക എണ്ണ പ്രതിസന്ധി യോഗം ചർച്ചചെയ്യും. തിരഞ്ഞെടുപ്പ് പ്രക്രിയ യിലുള്ള കേരളം, തമിഴ്നാട്, പുതുച്ചേരി, ആസാം, പശ്ചിമബംഗാൾ മുഖ്യമന്ത്രിമാരെ ചർച്ചയിൽ നിന്ന് ഒഴിവാക്കിയിട്ടുണ്ട്. പകരം ഈ സംസ്ഥാനങ്ങളിലെ ചീഫ് സെക്രട്ടറിമാരുമായി കേന്ദ്ര ക്യാബിനറ്റ് സെക്രട്ടറി പിന്നീട് ചർച്ച നടത്തും.
