കാസർകോട്:ദേശീയ പാത 66 ൽ നിർമ്മാണ പ്രവർത്തി നടക്കുന്ന ചട്ടഞ്ചാൽ – തെക്കിൽ – ബേവിഞ്ച – ചെർക്കള റൂട്ടിൽ 22 മുതൽ നടപ്പാക്കാൻ തീരുമാനിച്ചിരുന്ന ഗതാഗത നിരോധനം വീണ്ടും മാറ്റിവച്ചു. ഇതു സംബന്ധിച്ച് ജില്ലാ കലക്ടർ അർജുൻ പാണ്ഡ്യൻ ദേശീയ പാത നിർമ്മാണ അതോറിറ്റിക്ക് നിർദ്ദേശം നൽകി. ഡൈവേർഷൻ മാർച്ച് 31 നു ശേഷം നടപ്പിലാക്കാനാണ് ദേശീയ പാത നിർമ്മാണ അതോറിറ്റി ഉദ്യോഗസ്ഥർക്ക് ജില്ലാകളക്ടർ നിർദ്ദേശം നൽകിയത്. സ്ക്കൂളുകളിൽ പരീക്ഷ നടക്കുന്ന സാഹചര്യത്തിൽ വിദ്യാർത്ഥികൾക്ക് ഗതാഗത തടസ്സം നേരിടാതിരിക്കാനാണ് തീയതി മാറ്റാൻ കളക്ടർ നിർദ്ദേശിച്ചത്. ആദ്യം മാർച്ച് 18മുതൽ നിയന്ത്രണം ഏർപ്പെടുത്താനായിരുന്നു തീരുമാനം. എന്നാൽ ചെറിയ പെരുന്നാൾ കണക്കിലെടുത്തു നിയന്ത്രണം മാർച്ച് 22 ലേക്ക് മാറ്റുകയായിരുന്നു. ഇതാണ് വീണ്ടും മാറ്റിയത്.