പാലക്കാട്: സിപിഎമ്മില് നിന്ന് രാജിവച്ച പികെ ശശിയെ ഒറ്റപ്പാലത്ത് യുഡിഎഫ് സ്ഥാനാര്ത്ഥിയായി പ്രഖ്യാപിച്ചു. ഔദ്യോഗിക പ്രഖ്യാപനം നാളെ പുറത്തിറക്കുമെന്ന് നേതാക്കള് അറിയിച്ചു.
സിപിഎം വിട്ട പികെ ശശി ഒറ്റപ്പാലത്ത് യുഡിഎഫ് പിന്തുണയോടെ വിമത സ്ഥാനാര്ത്ഥിയായി മത്സരിക്കുമെന്ന് നേരത്തെ റിപ്പോര്ട്ടുണ്ടായിരുന്നു. തെരഞ്ഞെടുപ്പില് മത്സരിക്കുന്നതിന് സഹായം തേടി ഒറ്റപ്പാലം മണ്ഡലത്തിലെ യുഡിഎഫ് നേതാക്കളെ ശശി സമീപിച്ചിരുന്നു.
ശശിക്കെതിരെ കോണ്ഗ്രസിലെ ഒരു വിഭാഗം രംഗത്തുവന്നിരുന്നു. നേരത്തെ, ലൈംഗിക അതിക്രമ ആരോപണത്തില് ശശിക്കെതിരെ പ്രതിഷേധിച്ചതിനാല് വോട്ട് ചോദിക്കുന്നതില് പ്രതിസന്ധിയുണ്ടെന്ന് ഇവര് അഭിപ്രായപ്പെട്ടിരുന്നു. ഗുരുതര പരാതികളെ തുടര്ന്ന് 2021ല് സിപിഎം പി.കെ ശശിയെ സ്ഥാനാര്ത്ഥിത്വം നല്കാതെ മാറ്റി നിര്ത്തിയിരുന്നു.
