പത്തനാപുരം: മന്ത്രി ഗണേശ് കുമാർ പ്രസിഡണ്ടായ പത്തനാപുരം എൻഎസ്എസ് താലൂക്ക് യൂണിയൻ എൻഎസ്എസ് രജിസ്ട്രാർ പിരിച്ചുവിട്ടു. ഗണേശ് കുമാറിന്റെ ഏകാധിപത്യ നിലപാടുകളിൽ പ്രതിഷേധിച്ച് 19 അംഗ ഭരണസമിതിയിലെ 10 പേർ രാജിവച്ചതിനെ തുടർന്നാണ് നടപടി. പത്മ കഫേ നിർമ്മാണവുമായി ബന്ധപ്പെട്ട അഴിമതി ആരോപണങ്ങളും അക്രമങ്ങളും ആണ് തർക്കത്തിന് കാരണമെന്നു പറയുന്നു. ഗണേശ് കുമാറിന്റെ ഏകാധിപത്യ നിലപാടുകൾക്കെതിരെ യൂണിയൻ അംഗങ്ങൾ എൻഎസ്എസ് ജനറൽ സെക്രട്ടറിക്ക് പരാതി നൽകിയിരുന്നു. അതിനു പിന്നാലെ 10 അംഗങ്ങൾ രാജിവച്ചു. സമിതിയിൽ ഗണേശന് ഭരണ സമിതിയിൽ ഭൂരിപക്ഷം നഷ്ടപ്പെട്ടതോടെ യൂണിയൻ പിരിച്ചുവിടുകയായിരുന്നു .എന്നാൽ യൂണിയനിൽ ഒരു പ്രശ്നവും ഇല്ലെന്നും ഇപ്പോഴത്തെ സംഭവങ്ങൾ കോൺഗ്രസുകാരുടെ കുത്തിത്തിരിപ്പാണെന്നും ഗണേശ്കുമാർ പ്രതികരിച്ചു. തന്റെ പിതാവ് 64 വർഷം മുമ്പ് കെട്ടിപ്പടുത്തതാണ് എൻഎസ്എസ് പത്തനാപുരം താലൂക്ക് യൂണിയൻ എന്ന് അദ്ദേഹം ഓർമ്മിപ്പിച്ചു.