കാസര്‍കോട്: പതിനേഴാം നൊയമ്പ് തുറയുടെ ഭക്ഷണ വിതരണത്തിന്റെ വരവ് -ചെലവ് കണക്ക് അവതരിപ്പിക്കാന്‍ ആവശ്യപ്പെട്ട വിരോധത്തിലാണെന്നു പറയുന്നു, യുവാവിനെ തടഞ്ഞു നിര്‍ത്തി ആക്രമിച്ചതായി പരാതി. പരപ്പ, പെരളം, നാലുപുരപ്പാട്ടില്‍ എന്‍ പി മുഹമ്മദ് കുഞ്ഞിയുടെ പരാതിയില്‍ എ സി നിഷാദ്, സി എച്ച് സാലിം, റഫീഖ് എന്നിവര്‍ക്കെതിരെ വെള്ളരിക്കുണ്ട് പൊലീസ് കേസെടുത്തു. ശനിയാഴ്ച പെരളം മുഹിയുദ്ദീന്‍ ജുമാമസ്ജിദ് വളപ്പില്‍ പതിനേഴാം നോമ്പുതുറ നടത്തിയിരുന്നു. ഇതിനു തയ്യാറാക്കിയ ഭക്ഷണത്തിന്റെ വരവ്- ചെലവ് കണക്കുകള്‍ വീണ്ടും അവതരിപ്പിക്കാന്‍ എന്‍ പി മുഹമ്മദ് കുഞ്ഞി ആവശ്യപ്പെട്ടതായി പറയുന്നു. ഇതിന്റെ വിരോധത്തില്‍ മൂന്നു പേരും ചേര്‍ന്ന് തടഞ്ഞു നിര്‍ത്തി ആക്രമിക്കുകയായിരുന്നുവെന്നു പരാതിയില്‍ കൂട്ടിച്ചേര്‍ത്തു.