ബദിയഡുക്ക: ബേളയിലെ ആതിര, മല്ലിക എന്നീ ജെ.എല്. ജി ഗ്രൂപ്പുകളുടെ കൂട്ടായ്മയിൽ നടത്തിയ തണ്ണിമത്തൻ കൃഷിയുടെ വിളവെടുപ്പ് ഉത്സവ🙏 പ്രതീതിയിൽ നാട് ആഘോഷിച്ചു. ഏണിയര്പ്പ് പാടശേഖരത്തിലെ തരിശ്ശ് ഭൂമിയിലാണ് വിളവെടുപ്പ് നടത്തിയത്. ആതിരയും മല്ലികയും ഒത്തൊരുമിച്ച് നടത്തിയ തണ്ണി മത്തന് കൃഷി മറ്റു കുടുംബശ്രീ അയല്ക്കൂട്ടങ്ങള്ക്ക് മാതൃകയാവട്ടെയെന്നും കൃഷിയില് നിന്നും ഇന്നത്തെ യുവ തലമുറ പിന്തിരിയുമ്പോള് അവര്ക്ക് ഇത്തരം പ്രവൃത്തികള് വഴിക്കാട്ടിയാവട്ടെയെന്ന് വിളവെടുപ്പ് ഉദ്ഘാടനം ചെയ്ത പഞ്ചായത്ത് അംഗം അശ്വതി പറഞ്ഞു. നൂറ് മേനി വിളവെടുത്ത് മറ്റു കുടുംബശ്രീ യൂണിറ്റുകള്ക്ക് മാത്യകയാവുകയാണ് രണ്ട് കുടുംബശ്രി ജെ.എല്.ജി ഗ്രൂപ്പുകളായ ആതിരയും മല്ലികയും . മുന് കുടുംബശ്രി സി ഡി എസ് വൈസ് ചെയര്പഴ്സണ് പ്രേമ ഗണേഷ് , സി ഡി എസ് അംഗം സാവിത്രി, അഗ്രിക്കല്ച്ചര് സി ആര് പി മിനിത പ്രസംഗിച്ചു. വിളവെടുപ്പ് ദിവസം 27 ക്വിന്റല് തണ്ണി മത്തന് വിറ്റഴിച്ചു.
