തിരുവനന്തപുരം: വേനല് ചൂട് രൂക്ഷമായിക്കൊണ്ടിരിക്കെ സംസ്ഥാനത്ത് ഇന്നും നാളെയും ഒറ്റപ്പെട്ട സ്ഥലങ്ങളില് ഇടിമിന്നലോടു കൂടിയ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥാ നിരീക്ഷണ വകുപ്പ് മുന്നറിയിച്ചു.
എട്ട് ജില്ലകളില് ഇന്ന് ഗ്രീന് അലര്ട്ട് പ്രഖ്യാപിച്ചിട്ടുണ്ട്. തിരുവനന്തപുരം മുതല് തൃശൂര് വരെയുള്ള ജില്ലകളിലാണ് ഗ്രീന് അലര്ട്ട്. നേരിയതോ ഇടത്തരമോ ആയ മഴ ഉണ്ടാകുമെന്നാണ് ഗ്രീന് അലര്ട്ട് കൊണ്ട് അര്ത്ഥമാക്കുന്നത്.
ചൂടിന് മഴ ആശ്വാസമാകുമെങ്കിലും ശക്തമായ ഇടിമിന്നലിന് സാധ്യതയുള്ളതിനാല് പൊതുജനങ്ങള് ജാഗ്രത പാലിക്കണമെന്ന് അധികൃതര് നിര്ദ്ദേശിച്ചു.
