കാസര്‍കോട്: മുള്ളേരിയയിലെ കുടുംബാരോഗ്യ കേന്ദ്രം വളപ്പിൽ അതിക്രമിച്ചു കയറി മരം മുറിച്ചു കടത്തിയതായി പരാതി. ജീവനക്കാരനായ എസ് എം സാജിര്‍ നല്‍കിയ പരാതിയില്‍ മുള്ളേരിയയിലെ ഉദയന്‍ എന്ന ആള്‍ക്കെതിരെ ആദൂര്‍ പൊലീസ് കേസെടുത്തു. ചൊവ്വാഴ്ച വൈകുന്നേരം അഞ്ചുമണിക്കും ബുധനാഴ്ച രാവിലെ പത്തുമണിക്കും ഇടയില്‍ ഏതോ സമയത്ത് കുടുംബാരോഗ്യ കേന്ദ്രത്തിന്റെ സ്ഥലത്തേയ്ക്ക് അതിക്രമിച്ചു കയറി മരം മുറിച്ചുവെന്നു സാജിര്‍ നല്‍കിയ പരാതിയില്‍ പറഞ്ഞു. 15,000രൂപയുടെ നഷ്ടം ഉണ്ടായതായി പരാതിയില്‍ കൂട്ടിച്ചേര്‍ത്തു.