കാസര്കോട്: എരിഞ്ഞിപ്പുഴ-കുറ്റിക്കോല് റൂട്ടില് ബേത്തൂര്പ്പാറയില് സ്കൂട്ടര് മറിഞ്ഞുണ്ടായ അപകടത്തില് ഗുരുതരമായി പരിക്കേറ്റ് ചികിത്സയിലായിരുന്ന ഗൃഹനാഥന് മരിച്ചു. മുള്ളേരിയ, കടുമന, അടുക്കത്തൊട്ടിയിലെ നാരായണന് (54) ആണ് മരിച്ചത്. വ്യാഴാഴ്ച രാവിലെ മംഗ്ളൂരുവിലെ ആശുപത്രിയിലായിരുന്നു അന്ത്യം.
ഫെബ്രുവരി അഞ്ചിനാണ് അപകടമുണ്ടായത്. നാരായണന് സഞ്ചരിച്ചിരുന്ന സ്കൂട്ടര് മറിഞ്ഞായിരുന്നു അപകടം.
ഗുരുതരമായി പരിക്കേറ്റ നാരായണന് ശസ്ത്രക്രിയ അടക്കം നടത്തിയെങ്കിലും ജീവന് രക്ഷിക്കാനായില്ല. അപകടത്തില് ബേഡകം പൊലീസ് കേസെടുത്തു.
ഭാര്യ: ശാന്ത. മക്കള്: നിഷ, നീതു. മരുമക്കള്: നിഷാന്ത്, നിധീഷ്.
ബേത്തൂര്പാറയിലെ സ്കൂട്ടര് അപകടം; അടുക്കത്തൊട്ടി സ്വദേശി മരിച്ചു
Thursday, 26 February 2026, 13:55
