കുമ്പള: മംഗൽപാടി അഡ്ക്കയിൽ 23.4 ലിറ്റർ കർണാടക വിദേശമദ്യവുമായി യുവാവിനെ കുമ്പള എക്സൈസ് റേഞ്ച് പ്രിവൻ്റീവ് ഓഫീസർ ജിജിൻ എം.വി. അറസ്റ്റ് ചെയ്തു. മംഗൽപാടി അഡ്ക്ക ഭഗവതി നഗർ സ്വദേശി ഹരീഷ. എ ആണ് പിടിയിലായത്.അഡ്ക്ക അങ്കണവാടിക്ക് സമീപം വെച്ചാണ് 180 മില്ലിയുടെ 130 ടെട്രാ പാക്കറ്റ് മദ്യവുമായി ഇയാളെ പിടികൂടിയത്. റെയ്ഡിൽ പ്രിവൻ്റീവ് ഓഫീസർമാരായ മൊയ്തീൻ സാദിക്ക്, കബീർ, സിവിൽ എക്സൈസ് ഓഫീസർ അവിനാഷ് എന്നിവരും ഉണ്ടായിരുന്നു. പ്രതിയെ നാളെ കാസർകോട്ട് കോടതിയിൽ ഹാജരാക്കും.