കുമ്പള ടോള് പ്ലാസ: ആക്ഷന് കമ്മിറ്റി സ്പോട്ട് ടോള് പിരിവ് നിര്ത്തിവച്ചു, യു ഡി എഫിന്റെ പൊലീസ് സ്റ്റേഷന് പ്രതിഷേധ സംഗമം വൈകിട്ട്
കാസര്കോട്: ദേശീയപാതയിലെ കുമ്പള ടോള് പ്ലാസയിലെ സ്പോട്ട് ടോള് പിരിവ് തല്ക്കാലത്തേക്ക് നിറുത്തിവച്ചു. ബുധനാഴ്ച്ച രാത്രി ഉണ്ടായ അനിഷ്ട സംഭവങ്ങളും രാത്രി ആക്ഷന് കമ്മിറ്റി ഭാരവാഹികള് ബൂത്തിലെത്തി നല്കിയ താക്കീതും കണക്കിലെടുത്താണ് പിരിവ് നിര്ത്തിയത്. അതേസമയം ഫാസ്റ്റ് ടാഗ് വഴിയുള്ള ടോള് പിരിവ് തുടരുന്നുണ്ട്. ടോള് പിരിവിനെതിരെ ആക്ഷന് കമ്മിറ്റി നല്കിയ ഹര്ജി പരിഗണിക്കുന്നത് ഹൈക്കോടതി ബുധനാഴ്ച മാറ്റി വച്ചിരുന്നു. ദേശീയപാതയുടെ അഭിഭാഷകന് ഹാജരാകാത്തതിനെ തുടര്ന്നായിരുന്നു ഹര്ജി മാറ്റിയത്.ഇതിനു പിന്നാലെയാണ് ബുധനാഴ്ച വൈകുന്നേരത്തേടെ ടോള് പിരിവ് ആരംഭിച്ചത്. …
