കാസര്‍കോട്: സ്വിഫ്റ്റ് കാറില്‍ കടത്തിയ എം ഡി എം എയുമായി രണ്ടു പേരെ ബേഡകം പൊലീസ് അറസ്റ്റു ചെയ്തു. പാണത്തൂര്‍ പരിയാരത്തെ പി എ റമീസ് (27), പള്ളിക്കാലിലെ എ ആഷിഖ് (29) എന്നിവരെയാണ് ബേഡകം ഇന്‍സ്‌പെക്ടര്‍ ടി ദാമോദരനും സംഘവും അറസ്റ്റു ചെയ്തത്.
കുറ്റിക്കോല്‍ ഭാഗത്തു നിന്നു ബന്തടുക്ക ഭാഗത്തേയ്ക്ക് പോവുകയായിരുന്നു കാര്‍. കാഞ്ഞനടുക്കത്ത് എത്തിയപ്പോള്‍ പൊലീസ് കാര്‍ തടഞ്ഞു നിര്‍ത്തി പരിശോധിച്ചപ്പോഴാണ് 34 മില്ലിഗ്രാം എം ഡി എം എ കണ്ടെടുത്തതെന്നു പൊലീസ് പറഞ്ഞു.