കാസര്കോട്: ശബരിമല സ്വര്ണ്ണക്കൊള്ളക്കേസിലും ബ്രഹ്മഗിരി തട്ടിപ്പിലും വിശദമായ അന്വേഷണം നടത്തി കുറ്റക്കാര്ക്കെതിരെ കര്ശന നടപടിയെടുക്കണമെന്ന് ആവശ്യപ്പെട്ട് ഡിസിസിയുടെ നേതൃത്വത്തില് നടത്തിയ കലക്ടറേറ്റ് മാര്ച്ചില് സംഘര്ഷം. പൊലീസ് ജലപീരങ്കി പ്രയോഗിച്ചു.
പ്രകടനമായി എത്തിയ കോണ്ഗ്രസ് പ്രവര്ത്തകരെ പൊലീസ് ബാരിക്കേഡ് സ്ഥാപിച്ചാണ് തടഞ്ഞത്. മാര്ച്ച് രാജ്മോഹന് ഉണ്ണിത്താന് എം.പി ഉദ്ഘാടനം ചെയ്തു. ഇതിനു ശേഷം പ്രവര്ത്തകര് ബാരിക്കേഡ് മറിച്ചിടാനും മുകളില് കയറി അകത്തേക്കു കടക്കാനും ശ്രമിച്ചു. ഇതോടെയാണ് പൊലീസ് ജലപീരങ്കി പ്രയോഗിച്ചത്. തുടര്ന്ന് പ്രവര്ത്തകര് പിരിഞ്ഞു പോയി.
