കാസര്കോട്: ദേശീയപാതയിലെ ആരിക്കാടിയില് അന്യായമായ ടോള് പിരിവ് നടത്തുന്നത് അംഗീകരിക്കാനാവില്ലെന്ന് മുസ്ലിം ലീഗ് ജില്ലാ ജനറല് സെക്രട്ടറി എ.അബ്ദുല് റഹ്മാന് പറഞ്ഞു. തലപ്പാടിയില് ഒരു ടോള് ബൂത്ത് ഉണ്ടായിരിക്കെ 20 കിലോമീറ്റര് മാറി ആരിക്കാടിയില് മറ്റൊരു ടോള് ബൂത്ത് സ്ഥാപിച്ചു പിരിവ് നടത്തുന്നതു അംഗീകരിക്കാനാവില്ല. വിഷയം ഹൈക്കോടതിയുടെ പരിഗണനയിലിരിക്കെ ടോള് പിരിക്കുന്നതു ജനങ്ങളോടുള്ള വെല്ലുവിളിയാണെന്നു അറിയിപ്പില് പറഞ്ഞു.
കാസര്കോട്ട് നിന്നും മംഗലാപുരത്തേക്ക് പോകുന്ന വിദ്യാര്ത്ഥികളും, രോഗികളും, വ്യാപാരികളും തൊഴിലാളികളുമായ ആയിരക്കണക്കിന് പേര് രണ്ട് ടോളുകളിലായി വന് തുക നല്കേണ്ടി വരുന്നു. ജില്ലാ ഭരണകൂടവും ദേശീയപാത അധികൃതരും ജനങ്ങളുടെ ദുരിതങ്ങള്ക്ക് നേരെ കണ്ണടക്കുന്നു. എ.കെ.എം.അഷ്റഫ് എം എല് എ യുടെ നേതൃത്വത്തില് നടക്കുന്ന ജനകീയ പോരാട്ടത്തില് മുഴുവന് ജനങ്ങളും അണിനിരക്കണമെന്ന് അബ്ദുള് റഹ്മാന് ആവശ്യപ്പെട്ടു.
ഉദുമ അംബിക എ.എല്പി സ്കൂള് പാചകപ്പുര എംഎല്എ ഉദ്ഘാടനം ചെയ്തു
Saturday, 14 February 2026, 12:51
