കാസര്കോട്: പനിബാധിച്ച് കാസര്കോട് സ്വദേശിയായ യുവാവ് ദുബായില് മരിച്ചു. കളനാട് പുളുന്തൊട്ടിയിലെ സിറാജുദ്ദീന് (29) ആണ് മരിച്ചത്. വൈറല് പനി തലച്ചോറിനെ ബാധിച്ചതിനെ തുടര്ന്നു രണ്ടുദിവസമായി ദുബായിലെ ആശുപത്രിയില് ചികിത്സയിലായിരുന്നു. ഞായറാഴ്ച വൈകിട്ടാണ് മരണം സംഭവിച്ചത്. മത്രൂഷി സെന്ററില് ആയിരുന്നു താമസം. ദുബായ് ഗ്ലോബല് വില്ലേജിലെ ജീവനക്കാരനായിരുന്നു. രണ്ടുമാസം മുമ്പാണ് സിറാജ് നാട്ടില് നിന്നും തിരിച്ചുപോയത്. ഒരു വര്ഷം മുമ്പാണ് വിവാഹം നടന്നത്. മൃതദേഹം നാട്ടിലെത്തിക്കാനുള്ള നടപടികള് ആരംഭിച്ചു. പുളിന്തൊട്ടിയിലെ ഷാദുലിയുടെയും നഫീസയുടെയും മകനാണ്. അര്ഷാനയാണ് ഭാര്യ. സഹോദരങ്ങള്: ഷംസുദ്ദീന്, സൈഫുദ്ദീന്, ശിഹാബ്, ശുഹൈബ്, ഷംസീന, നസീമ. സിറാജുദിന്റെ അപ്രതീക്ഷിത വിയോഗം കുടുംബത്തെയും സുഹൃത്തുക്കളെയും കണ്ണീരിലാഴ്ത്തി.
എഞ്ചിനീയറിംഗ് വിദ്യാര്ത്ഥി അഖിലിനു നാടിന്റെ കണ്ണീര് കുതിര്ന്ന യാത്രാമൊഴി
Tuesday, 3 February 2026, 12:25
