കാസര്കോട്: സ്കൂട്ടറില് യാത്ര ചെയ്യുകയായിരുന്ന തന്നെ കാറിലെത്തിയ രണ്ടംഗസംഘം കുത്തിക്കൊലപ്പെടുത്താന് ശ്രമിച്ചതായി പരാതി. ഷിരിബാഗിലുവിലെ എം ഷാനവാസിന്റെ പരാതിയില് മധൂര് സ്വദേശികളായ പിവി നിസാമുദ്ദീന്, മെഹറൂഫ് എന്നിവര്ക്കെതിരെ വിദ്യാനഗര് പൊലീസ് കേസെടുത്തു. കഴിഞ്ഞ ദിവസം രാത്രി മധൂര് എസ് പി നഗറില് വച്ചാണ് അക്രമമെന്നും പരാതിയില് പറഞ്ഞു. കാറില് വരികയായിരുന്ന പ്രതികള് സ്കൂട്ടര് തടഞ്ഞു നിര്ത്തി കൊലപ്പെടുത്തുമെന്ന് ഭീഷണിപ്പെടുത്തുകയും അതിനിടയില് അവരിലൊരാള് കത്തിയെടുത്ത് തലയുടെ മര്മ്മ സ്ഥാനം നോക്കി ആഞ്ഞുകുത്താന് ശ്രമിക്കുകയുമായിരുന്നു. പെട്ടെന്ന് തലകുനിച്ചതിനാല് തലയുടെ പിറക് വശത്താണ് കുത്തേറ്റതെന്നും അല്ലെങ്കില് മരണംവരെ സംഭവിച്ചേനെയെന്നും പരാതിയില് കൂട്ടിച്ചേര്ത്തു. സംഭവത്തില് പൊലീസ് അന്വേഷണം ആരംഭിച്ചു.
കേളുഗുഡ്ഡെ, കുച്ചിക്കാട്ടെ ലളിത അന്തരിച്ചു
Tuesday, 3 February 2026, 11:49
