ഉദുമയില് ഭൂരിപക്ഷമുള്ള കോണ്ഗ്രസ് പുറത്ത്; കോണ്ഗ്രസിന്റെ പഞ്ചായത്ത് പ്രസി. സ്ഥാനാര്ത്ഥിയുടെ വോട്ട് അസാധുവായി; സിപിഎം അംഗം രാജേന്ദ്രന് നറുക്കെടുപ്പില് പ്രസിഡന്റായി
കാസര്കോട്: ഉദുമ പഞ്ചായത്ത് പ്രസിഡണ്ട് തിരഞ്ഞെടുപ്പില് പഞ്ചായത്ത് ബോഡില് ഭൂരിപക്ഷമുള്ള യുഡിഎഫിന്റെ പ്രസിഡന്റ് സ്ഥാനാര്ത്ഥിയുടെ വോട്ട് അസാധുവായി. പ്രസിഡന്റ് സ്ഥാനം ഇടതു മുന്നണിയിലെ പിവി രാജേന്ദ്രനു ലഭിച്ചു. ഇടതു മുന്നണിക്കു ഭാഗ്യം കയറി വന്നതു വിശ്വസിക്കാന് കഴിയാതെ യുഡിഎഫ് പ്രവര്ത്തകര് അന്തംവിട്ടു.ഉദുമ പഞ്ചായത്തു ബോഡില് 23 അംഗങ്ങളാണ് ആകെയുള്ളത്. ഇതില് 12 സീറ്റുകള് യുഡിഎഫിനാണ്. സിപിഎമ്മിനു 11 അംഗങ്ങളുണ്ട്.പ്രസിഡന്റ് തിരഞ്ഞെടുപ്പില് കോണ്ഗ്രസിന്റെ പ്രസിഡന്റ് സ്ഥാനാര്ത്ഥി ചന്ദ്രന് നാലാം വാതുക്കല് തന്നെ അദ്ദേഹത്തിന്റെ വോട്ട് അസാധുവാക്കുകയായിരുന്നു. വോട്ടേഴ്സ് സ്ലിപ്പില് …
