Day: December 25, 2025

പാലക്കാട്: പൊട്ടിവീണ വൈദ്യുതി ലൈനില്‍ നിന്ന് ഷോക്കേറ്റ് മധ്യവയസ്‌ക്കന് ദാരുണാന്ത്യം. പാലക്കാട്, തൃത്താല, കപ്പൂരിലെ ചാത്തന്‍ പൊന്നത്ത് പറമ്പില്‍ ചന്ദ്രനാ(50)ണ് മരിച്ചത്. വ്യാഴാഴ്ച ഉച്ചയ്ക്ക് 12 മണിയോടെയാണ് സംഭവം. മീന്‍ പിടിക്കാന്‍ പോയതായിരുന്നു ചന്ദ്രന്‍. ഇതിനിടയില്‍ പൊട്ടിവീണ വൈദ്യുതി കമ്പിയില്‍ നിന്നാണ് ഷോക്കേറ്റത്. കൂടെ ഉണ്ടായിരുന്നവര്‍ ഉടന്‍ ആശുപത്രിയില്‍ എത്തിച്ചുവെങ്കിലും രക്ഷിക്കാനായില്ല.

പാലക്കാട്: വെള്ളമെന്ന് കരുതി ആസിഡ് കുടിച്ച ആള്‍ മരിച്ചു. ഒറ്റപ്പാലം, വെങ്ങശേരി, താനിക്കോട്ടില്‍ രാധാകൃഷ്ണന്‍ (59) ആണ് തൃശൂര്‍ മെഡിക്കല്‍ കോളേജ് ആശുപത്രിയില്‍ മരിച്ചത്.നവംബര്‍ അഞ്ചിന് പുലര്‍ച്ചെയാണ് സംഭവം. കിടപ്പുമുറിയില്‍ ശീതളപാനീയത്തിന്റെ കുപ്പിയില്‍ സൂക്ഷിച്ച ആസിഡ് ആണ് വെള്ളമെന്ന് കരുതി കുടിച്ചത്.വായപൊള്ളിയതോടെയാണ് അബദ്ധം മനസ്സിലായതെന്നു ബന്ധുക്കള്‍ പറഞ്ഞു.ഇലക്ട്രിക് സാധനങ്ങളുടെ അറ്റകുറ്റപ്പണി നടത്തുന്ന സ്ഥാപനത്തിന്റെ ഉടമയാണ് രാധാകൃഷ്ണന്‍. ഈ ആവശ്യത്തിനാണ് ആസിഡ് സൂക്ഷിച്ചിരുന്നത്.ഭാര്യ: ദേവയാനി. മക്കള്‍: അമൃതാനന്ദന്, ആതിര.