തിരുവനന്തപുരം: മേയര് ആര്യ രാജേന്ദ്രന് നടുറോഡില് കെഎസ്ആര്ടിസി ബസ് തടഞ്ഞു നിര്ത്തിയ കേസിലെ കുറ്റപത്രത്തില് നിന്ന് മേയര് ആര്യ രാജേന്ദ്രനെയും ഭര്ത്താവ് സച്ചിന് എംഎല്എയും ഒഴിവാക്കി. ബസിന്റെ ഡ്രൈവറായിരുന്ന എല്എച് യദു നല്കിയ കേസില് ആര്യാ രാജേന്ദ്രന്റെ സഹോദരന് അരവിന്ദ് മാത്രമാണ് പ്രതി. മേയറും എംഎല്എയും ഔദ്യോഗിക കൃത്യനിര്വ്വഹണം തടസ്സപ്പെടുത്തുകയോ അസഭ്യം പറയുകയോ ചെയ്തിട്ടില്ല. യദു നല്കിയ സ്വകാര്യ ഹര്ജി പരിഗണിച്ച് കോടതി നേരിട്ട് കേസ് എടുക്കാന് നിര്ദ്ദേശിച്ചത് അനുസരിച്ചാണ് കേസ് എടുത്തത്. തിരുവനന്തപുര ജുഡീഷ്യല് ഫസ്റ്റ് ക്ലാസ് മജിസ്ട്രേറ്റ് കോടതിയാണ് കേസ് പരിഗണിക്കുന്നത്. മേയറേയും മറ്റുള്ളവരെയും അശ്ലീല ആംഗ്യം കാണിച്ചുവെന്ന് പൊലീസ് മ്യൂസിയം പൊലീസാണ് കുറ്റപത്രം നല്കുന്നത്. അതേസമയം, നിര്ണായക തെളിവായ മെമ്മറി കാര്ഡ് അടിച്ചുമാറ്റിയത് ആരാണെന്ന അന്വേഷണവും എങ്ങുമെത്തിയില്ല. അതിനിടെയാണ് പൊലീസ് സംഭവത്തില് കുറ്റപത്രം സമര്പ്പിക്കാന് ഒരുങ്ങുന്നത്. 2024 ഏപ്രില് 28 നു നടുറോഡില് മേയര് കെഎസ്ആര്ടിസി ബസ് തടഞ്ഞതിനെ തുടര്ന്നു തര്ക്കമുണ്ടായ സംഭവം വലിയ വിവാദമായിരുന്നു.
മുണ്ടുപൊക്കി കാണിച്ച് യുവതിക്ക് ക്രൂര മര്ദ്ദനം; വലിയപൊയിലിലെ മൂന്നുപേര്ക്കെതിരെ കേസ്
Tuesday, 2 December 2025, 14:17
