കോഴിക്കോട്: അസ്ലീല സന്ദേശം അയച്ചതിനെ തുടര്‍ന്ന് ആളുമാറി കോഴിക്കോട് മെഡിക്കല്‍ കോളേജിലെ ഡോക്ടറുടെ മുഖത്തടിച്ച യുവതി ഒടുവില്‍ അറസ്റ്റിലായി. ഡോക്ടറുടെ പേരില്‍ യുവതിക്ക് സന്ദേശങ്ങളയച്ച പെരിങ്ങളം സ്വദേശി മുഹമ്മദ് നൗഷാദ് പിന്നീട് പിടിയിലായി. ഞായറാഴ്ച ആശുപത്രിയിലെ സര്‍ജറി ഒപിയില്‍ ഡ്യൂട്ടിക്കിടെയാണ് യുവതി ഡോക്ടറുടെ മുഖത്തടിച്ചത്. വാട്‌സാപ്പില്‍ അശ്ലീല സന്ദേശം അയക്കുകയും വിവാഹ വാഗ്ദാനം നല്‍കുകയും ചെയ്‌തെന്ന് ആരോപിച്ചായിരുന്നു യുവതിയുടെ മര്‍ദ്ദനം. ഇതേ തുടര്‍ന്ന് ഡോക്ടര്‍ പൊലീസില്‍ പരാതി നല്‍കി. സി.സി.ടി.വി ദൃശ്യങ്ങള്‍, ഒ പി ചീട്ട് എന്നിവ പരിശോധിച്ചാണ് പൊലീസ് യുവതിയെ തിരിച്ചറിഞ്ഞത്. കഴിഞ്ഞ ഏപ്രിലില്‍ യുവതി പിതാവിന്റെ ചികിത്സയ്ക്കായി മെഡിക്കല്‍ കോളേജ് ആശുപത്രിയില്‍ എത്തിയിരുന്നു. അഡ്മിറ്റ് ചെയ്തിരുന്ന വാര്‍ഡിലെ രോഗിയുടെ കൂട്ടിരിപ്പുകാരനായിരുന്നു നൗഷാദ്. യുവതിയെ പരിചയപ്പെട്ട നൗഷാദ് മൊബല്‍ നമ്പര്‍ കൈക്കലാക്കിയിരുന്നു. പിന്നീട് പുതിയ സിം കാര്‍ഡ് എടുത്ത് യുവതിയുടെ പിതാവിനെ ചികിത്സിച്ച ഡോക്ടറുടെ പേരില്‍ വാട്‌സാപ്പിലൂടെ സന്ദേശങ്ങള്‍ അയക്കുകയായിരുന്നു. യുവതിയില്‍ നിന്ന് പ്രതി 49,000 രൂപ തട്ടിയെടുത്തിട്ടുണ്ട്. മെഡിക്കല്‍ കോളേജ് ഇന്‍സ്‌പെക്ടര്‍ ബൈജു കെ ജോസിന്റെ നേതൃത്വത്തിലുള്ള സംഘമാണ് രണ്ടുപേരെയും പിടികൂടിയത്.
എസ്.ഐ.ആര് ഡ്യൂട്ടിക്കിടെ ബി.എല്.ഒ കുഴഞ്ഞുവീണു; ആശുപത്രിയില്‍, സംഭവം കൊന്നക്കാട്
Monday, 17 November 2025, 13:14
