ചെങ്ങന്നൂര്‍: 14 വയസുകാരിയെ പ്രണയം നടിച്ച് ലൈംഗിക അതിക്രമം നടത്തിയ കേസില്‍ 19കാരന്‍ പിടിയില്‍. ഏറം മുറിയില്‍ കല്ലിടാംകുഴിയില്‍ തുണ്ടില്‍ അച്ചു(19) ആണ് അറസ്റ്റിലായത്. വെണ്‍മണി സ്വദേശിനിയായ പെണ്‍കുട്ടിയെ ആണ് പീഡിപ്പിക്കാന്‍ ശ്രമിച്ചത്. പ്രായപൂര്‍ത്തി ആയാല്‍ വിവാഹം കഴിച്ചുകൊള്ളാമെന്ന് പറഞ്ഞ് 14കാരിയുടെ വിശ്വാസം നേടിയെടുക്കുകയായിരുന്നു. പിന്നാലെ വീട്ടിലെത്തിയ പ്രതി പെണ്‍കുട്ടിയെ ഭീഷണിപ്പെടുത്തുകയും ലൈംഗിക അതിക്രമത്തിന് ശ്രമിച്ചു. ഇതുകണ്ട തടയാന്‍ ശ്രമിച്ച മാതാപിതാക്കളെ 19 കാരന്‍ ഭീഷണിപ്പെടുത്തുകയും ദേഹോപദ്രവം ഏല്‍പ്പിക്കുകയും ചെയ്തു. തുടര്‍ന്നാണ് പ്രതിയെ പൊലീസ് അറസ്റ്റ് ചെയ്തത്. സംഭവത്തിന് ശേഷം ഒളിവില്‍ പോയ പ്രതിയെ തിരുവല്ലാ ഭാഗത്ത് നിന്നാണ് കഴിഞ്ഞ ദിവസം പിടികൂടിയത്. ചെങ്ങന്നൂര്‍ ജുഡീഷ്യല്‍ ഒന്നാം ക്ലാസ് മജിസ്‌ട്രേറ്റ്‌ കോടതിയില്‍ ഹാജരാക്കിയ പ്രതിയെ കോടതി 14 ദിവസത്തേക്ക് റിമാന്‍ഡ് ചെയ്തു.