കണ്ണൂര്: കൂത്തുപറമ്പില് വയോധികയുടെ മാല തട്ടിയെടുത്ത സിപിഎം കൗണ്സിലര് അറസ്റ്റിലായി. നഗരസഭയിലെ കൗണ്സിലര് പിപി രാജേഷ് ആണ് അറസ്റ്റിലായത്. ഇയാള് കഴിഞ്ഞ വ്യാഴാഴ്ചയാണ് വയോധികയുടെ മാല പൊട്ടിച്ചത്. 77 കാരിയായ വയോധിക ജാനകിയുടെ മാലയാണ് ഇയാള് കവര്ന്നത്. അടുക്കളയില് ജോലി ചെയ്യുന്ന സമയത്ത് പെട്ടെന്നൊരാള് അകത്തേക്ക് കയറിവരികയും മാല പൊട്ടിച്ച് ഓടുകയും ചെയ്യുകയായിരുന്നു. ബഹളം കേട്ട് നാട്ടുകാര് ഓടിക്കൂടിയപ്പോഴേയ്ക്കും മോഷ്ടാവ് ഓടി രക്ഷപ്പെട്ടിരുന്നു. ഹെല്മെറ്റ് ധരിച്ചയാളാണ് മോഷ്ടാവെന്ന് ജാനകി നല്കിയ പരാതിയില് വ്യക്തമാക്കിയിരുന്നു. പിന്നീട് സിസിടിവി കേന്ദ്രീകരിച്ച് നടത്തിയ പരിശോധനയിലാണ് വാഹനം തിരിച്ചറിയുകയും അതില് നിന്നാണ് നാലാം വാര്ഡ് കൗണ്സിലറായ പിപി രാജേഷിലേക്ക് എത്തുകയും ചെയ്തത്. രാജേഷ് കുറ്റം സമ്മതിച്ചെന്നാണ് കൂത്തുപറമ്പ് പൊലീസ് നല്കുന്ന വിവരം. രണ്ട് ദിവസത്തെ അന്വേഷണത്തിനൊടുവിലാണ് പ്രതിയെ കണ്ടെത്തിയിരിക്കുന്നത്. ഇയാളില് നിന്നും മോഷ്ടിച്ച ഒരുപവന് മാല കണ്ടെടുത്തു.
