കാസര്‍കോട്: പള്‍സ് പോളിയോ ദിനമായ ഒക്ടോബര്‍ 12ന് അഞ്ചുവയസിന് താഴെ പ്രായമുള്ള മുഴുവന്‍ കുട്ടികള്‍ക്കും വേണ്ടി സംസ്ഥാനത്ത് പള്‍സ് പോളിയോ ഇമ്മ്യൂണൈസേഷന്‍ പരിപാടി നടത്തും. ഇതിനായി പ്രത്യേകം സജ്ജീകരിക്കുന്ന ബൂത്തുകളിലാണ് തുള്ളിമരുന്നുകള്‍ നല്‍കുന്നത്. ജില്ലയില്‍ 1 ലക്ഷം കുട്ടികള്‍ക്ക് മരുന്ന് നല്‍കും. ഇതിന് 100 ബൂത്തുകള്‍ സജ്ജീകരിക്കും. 12ന് രാവിലെ 8 മുതല്‍ 5 മണിവരെ സ്‌കൂളുകള്‍, അംഗനവാടികള്‍, വായനശാലകള്‍ മറ്റു സ്ഥാപനങ്ങള്‍ എന്നിവിടങ്ങളിലും അതിഥി തൊഴിലാളി ക്യാമ്പുകളിലും വിനോദസഞ്ചാര കേന്ദ്രങ്ങളിലും മരുന്നു നല്‍കുന്നതാണ്.