ഡാളസ് /കോഴിക്കോട് :ഇന്ത്യാ പെന്തക്കൊസ്ത് ദൈവസഭാ സീനിയര്‍ ശുശ്രൂഷകനും മലബാര്‍ പെന്തക്കൊസ്ത് പ്രസ്ഥാനത്തിന്റെ സ്ഥാപക നേതാവുമായ പാസ്റ്റര്‍ സി.ജെ. എബ്രഹാം (86) അന്തരിച്ചു .
1968 കളില്‍ തൃശൂര്‍ നെല്ലിക്കുന്ന് ഇന്ത്യാ പെന്തക്കൊസ്ത്‌ദൈവ സഭയുടെ ശുശ്രൂഷകനായി പ്രവര്‍ത്തനമാരംഭിച്ച അദ്ദേഹം സഭയുടെ ആത്മീയ പുരോഗതിയില്‍ ശക്തമായ നേതൃത്വം നല്‍കി.തുടര്‍ന്ന് 1971-ല്‍ മലബാറില്‍ ഐ പി സി പ്രസ്ഥാനത്തിന്റെ മുന്നണി പ്രവര്‍ത്തകനായി.പുതിയ സഭകള്‍ക്ക് തുടക്കം കുറിച്ചു. ഇന്നത്തെ മലബാറിലെ ഐ പി സി പ്രസ്ഥാനങ്ങളുടെ വളര്‍ച്ചക്ക് ശക്തമായ നേതൃത്വം നല്‍കി.
മലബാറിലെ അപ്പോസ്തലന്‍ എന്നറിയപ്പെടുന്ന പാസ്റ്റര്‍ അബ്രഹാം1971ല്‍ പാസ്റ്റര്‍ കെ ഇ എബ്രഹാമിന്റെ നിര്‍ദ്ദേശപ്രകാരം മലബാര്‍ ഐ പി സി പ്രസ്ഥാന പ്രവര്‍ത്തനങ്ങളുടെ പൂര്‍ണ ചുമതല ഏറ്റെടുത്തു. കുറച്ചുകളമായി വിശ്രമത്തിലായിരുന്നു.
ഭാര്യ: പരേതയായ ഏലിക്കുട്ടി(കൊട്ടാരക്കര കുട്ടിയപ്പന്‍ പാസ്റ്ററുടെ മകള്‍)
മക്കള്‍: മേഴ്‌സി ജേക്കബ്, ഗ്രേസി മത്തായി, ജെസ്സി പൗലോസ്, ജോയ്സ് വര്‍ഗീസ്,
ബ്ലെസ്സി മാത്യു. എല്ലാവരും ഡാളസിലാണ്.
മരുമക്കള്‍: പരേതനായ മൊനായി ടി. ജേക്കബ്, സാം മത്തായി, പോള്‍ പൗലോസ്, ജെസ്റ്റി വര്‍ഗീസ്, ബിജോയ് മാത്യു.
