കാസര്‍കോട്: വിവാഹാഭ്യര്‍ത്ഥന നിരസിച്ച വിരോധത്തില്‍ യുവതിയെ വഴിയില്‍ തടഞ്ഞു നിര്‍ത്തി കുത്തിക്കൊല്ലാന്‍ ശ്രമിച്ച യുവാവ് അറസ്റ്റില്‍. ആഡൂര്‍, മണ്ടക്കോലിലെ പ്രതാപ (30)നെയാണ് ആദൂര്‍ എസ് ഐ വിനോദ് കുമാറും സംഘവും അറസ്റ്റു ചെയ്തത്. ഇയാള്‍ അഡൂരിലെ ബസ് വെയ്റ്റിംഗ് ഷെഡ് പരിസരത്ത് ഉണ്ടെന്ന രഹസ്യ വിവരത്തെ തുടര്‍ന്നാണ് പൊലീസ് സ്ഥലത്തെത്തി കസ്റ്റഡിയിലെടുത്തത്.
തിങ്കളാഴ്ച വൈകുന്നേരമാണ് കേസിനാസ്പദമായ സംഭവം. 29 കാരി ജോലി കഴിഞ്ഞ് വീട്ടിലേയ്ക്ക് നടന്നു പോകുന്നതിനിടയില്‍ വഴിയില്‍ പതിയിരുന്ന പ്രതി എളുവരെഗുരി എന്ന സ്ഥലത്ത് വച്ച് തടഞ്ഞു നിര്‍ത്തി കഴുത്തിനു കുത്തി പരിക്കേല്‍പ്പിക്കുകയായിരുന്നുവെന്നാണ് ആദൂര്‍ പൊലീസ് രജിസ്റ്റര്‍ ചെയ്ത കേസില്‍ പറയുന്നത്. തടഞ്ഞതിനാല്‍ മാത്രമാണ് ജീവാപായം ഇല്ലാതെ പോയത്. യുവതിയുടെ ഭര്‍ത്താവുമായുള്ള വിവാഹ മോചന കേസ് നിയമ വഴിയിലാണ്. ഇതിനിടയില്‍ ഭര്‍ത്താവിന്റെ സുഹൃത്തായ പ്രതാപന്‍ യുവതിയുമായി സൗഹൃദത്തിലാവുകയായിരുന്നു. പിന്നീട് പ്രതാപന്‍ വിവാഹ അഭ്യര്‍ത്ഥന നടത്തിയെങ്കിലും യുവതി നിരാകരിച്ചുവെന്നും കേസില്‍ പറയുന്നു.
കാസര്കോട്ട് പാതിരാത്രിയില് മണല്വേട്ടയ്ക്കെത്തിയ പൊലീസുകാരന് തോണിയിലേയ്ക്ക് എടുത്തു ചാടി; തോണി ഒഴുക്കില്പ്പെട്ടപ്പോള് സംഭവിച്ചത് ഇങ്ങനെ…
Wednesday, 10 September 2025, 12:51
