മൂന്നാംനിലയില്‍നിന്ന് വീണു; ബംഗളൂരുവില്‍ കണ്ണൂര്‍ സ്വദേശിനിയായ വിദ്യാര്‍ഥിനിക്ക് ദാരുണാന്ത്യം
ബംഗളൂരു: മൂന്നാം നിലയിലെ ബാല്‍ക്കണിയില്‍ നിന്നു കാല്‍വഴുതി വീണ മലയാളി വിദ്യാര്‍ഥിനി മരിച്ചു. വൈറ്റ്ഫീല്‍ഡ് സൗപര്‍ണിക സരയൂ അപ്പാര്‍ട്‌മെന്റില്‍ താമസിക്കുന്ന കണ്ണൂര്‍ മൊകേരി വൈറ്റ്ഹൗസില്‍ എ രാജേഷിന്റെ മകള്‍ അന്‍വിത(18) ആണ് മരിച്ചത്. ഞായറാഴ്ച അര്‍ധരാത്രിയിലാണ് സംഭവം. നടക്കുന്നതിനിടെ കാല്‍വഴുതി വീണതെന്നാണ് വിവരം. ക്രൈസ്റ്റ് ഡീംഡ് ടു ബി സര്‍വകലാശാലയിലെ ബി കോം ഒന്നാം വര്‍ഷ വിദ്യാര്‍ഥിയാണ്. സംസ്‌കാരം ചൊവ്വാഴ്ച ഉച്ചയ്ക്ക് മൊകേരിയിലെ വീട്ടുവളപ്പില്‍ നടക്കും. മാതാവ്: വിനി. സഹോദരന്‍: അര്‍ജുന്‍.
