ജയ്പുര്‍: രാജസ്ഥാനിലെ ഝലാവറില്‍ സര്‍ക്കാര്‍ സ്‌കൂള്‍ കെട്ടിടം തകര്‍ന്നുവീണ് 7 കുട്ടികള്‍ക്ക് ദാരുണാന്ത്യം. പരിക്കേറ്റ് ചികിത്സയില്‍ കഴിയുന്ന രണ്ടുപേരുടെ നില ഗുരുതരമാണെന്ന് രാജസ്ഥാന്‍ വിദ്യാഭ്യാസ സെക്രട്ടറി കൃഷ്ണ കുനാല്‍ പറഞ്ഞു. എട്ടു വയസ്സിനും 11 വയസ്സിനും ഇടയില്‍ പ്രായമുള്ള വിദ്യാര്‍ഥികളാണ് അപകടത്തില്‍പ്പെട്ടത്. വെള്ളിയാഴ്ച രാവിലെ 8:30-ഓടെയായിരുന്നു അപകടം. ഒറ്റനിലക്കെട്ടിടത്തിന്റെ മേല്‍ക്കൂര തകര്‍ന്ന്, കെട്ടിടം മുഴുവനായും നിലംപൊത്തുകയായിരുന്നു. വലിയ ശബ്ദം കേട്ട് എത്തിയ നാട്ടുകാര്‍ പരിക്കറ്റവരെ ആശുപത്രിയിലേക്ക് മാറ്റി. മനോഹര്‍ താന എന്ന സ്ഥലത്തെ പിപ്ലോദി സര്‍ക്കാര്‍ സ്‌കൂളിന്റെ കെട്ടിടമാണ് തകര്‍ന്നുവീണത്. സംഭവസമയത്ത് കെട്ടിടത്തിനുള്ളില്‍ അധ്യാപകര്‍ക്കും മറ്റ് ജോലിക്കാര്‍ക്കും പുറമെ 60 കുട്ടികളും ഉണ്ടായിരുന്നതായാണ് വിവരം. എട്ടാം ക്ലാസുവരെയാണ് ഇവിടെ പ്രവര്‍ത്തിക്കുന്നത്.
കഴിഞ്ഞ ഒരാഴ്ചയായി ഇവിടെ നല്ല മഴയായിരുന്നു. അപകടാവസ്ഥയിലുള്ള സ്‌കൂള്‍ കെട്ടിടത്തെക്കുറിച്ച് നിരവധി തവണ അധികൃതര്‍ക്ക് പരാതി നല്‍കിയിരുന്നതായി സ്‌കൂള്‍ അധികൃതരും നാട്ടുകാരും പറഞ്ഞു.
കോട്ടിക്കുളത്ത് യുവാവ് ട്രെയിന്‍ തട്ടി മരിച്ച നിലയില്‍, ആളെ തിരിച്ചറിഞ്ഞിട്ടില്ല
Sunday, 3 August 2025, 13:02
