പാലക്കാട്: തേവലക്കരയില്‍ വിദ്യാര്‍ഥി ഷോക്കേറ്റ് മരിച്ചതില്‍ പ്രതിഷേധിച്ച് വൈദ്യുതി മന്ത്രി കെ കൃഷ്ണന്‍ കുട്ടിയുടെ പാലാക്കാട്ടെ ഓഫീസിലേക്ക് ബിജെപി-യുമോര്‍ച്ചാ പ്രവര്‍ത്തകര്‍ നടത്തിയ മാര്‍ച്ച് അക്രമാസക്തമായി. മന്ത്രിയുടെ രാജി ആവശ്യപ്പെട്ടാണ് ബിജെപിയുടെ മാര്‍ച്ച് നടന്നത്. ബാരിക്കേഡ് കടന്ന് വന്ന ബിജെപി-യുവമോര്‍ച്ചാ പ്രവര്‍ത്തകരെ പൊലീസ് തടഞ്ഞു. പൊലീസുമായി ഉന്തും തള്ളുമായതോടെ പ്രവര്‍ത്തകര്‍ക്ക് നേരെ ജലപീരങ്കി പ്രയോഗിച്ചു. വെള്ളിയാഴ്ച രാവിലെ മന്ത്രിയുടെ ചിറ്റൂരിലെ ഓഫീസിലേക്കാണ് ബിജെപി മാര്‍ച്ച് നടത്തിയത്.
