കാസര്‍കോട്: ബദിയഡുക്ക, പൊലീസ് സ്റ്റേഷന്‍ പരിധിയിലെ ഷേണി സ്‌കൂളിനു സമീപത്തു യുവാവിനെ മരിച്ച നിലയില്‍ കണ്ടെത്തി. ബാഡൂര്‍, സന്തനടുക്കയിലെ പരേതനായ രാമനായികിന്റെ മകന്‍ ഐത്തപ്പ (46)യാണ് മരിച്ചത്. ഞായറാഴ്ച വൈകുന്നേരത്തോടെയാണ് ഷേണി സ്‌കൂളിനു സമീപത്തുള്ള കോളനിയില്‍ മൃതദേഹം കണ്ടെത്തിയതെന്നു ബദിയഡുക്ക പൊലീസ് രജിസ്റ്റര്‍ ചെയ്ത കേസില്‍ പറയുന്നു. ജൂലായ് 11നു രാത്രി 10 മണിക്കും 13നു വൈകുന്നേരത്തിനും ഇടയില്‍ ഏതോ സമയത്താണ് മരണം സംഭവിച്ചതെന്നു സംശയിക്കുന്നു. വിവരമറിഞ്ഞ് എത്തിയ പൊലീസ് ഇന്‍ക്വസ്റ്റിനു ശേഷം മൃതദേഹം പോസ്റ്റുമോര്‍ട്ടത്തിനായി ജനറല്‍ ആശുപത്രി മോര്‍ച്ചറിയിലേയ്ക്ക് മാറ്റി.
പരേതയായ സീതയാണ് മാതാവ്. സഹോദരങ്ങള്‍: ചന്ദ്ര, ഹരീഷ, പുഷ്പ, ജയലക്ഷ്മി.