തിരുവനന്തപുരം: ശ്രീപത്മനാഭ സ്വാമി ക്ഷേത്രം സുരക്ഷാ ജീവനക്കാരന്റെ തോക്കിൽ നിന്ന് വെടിപൊട്ടി. കമാൻഡോയുടെ കൈവശമുണ്ടായിരുന്ന തോക്കിൽ നിന്നാണ് വെടിപൊട്ടിയത്. രാവിലെ ഡ്യൂട്ടി മാറുന്നതിന്റെ ഭാഗമായി ആയുധം വൃത്തിയാക്കുന്നതിനിടെയാണ് സംഭവം. അപകടം ഒഴിവാക്കാൻ നിലത്തേക്ക് തോക്ക് ചൂണ്ടിയാണ് തോക്ക് വൃത്തിയാക്കാറുള്ളത്. അതിനാൽ തറയിലാണ് വെടിയുണ്ട പതിച്ചത്. ക്ഷേത്രത്തിന്റെ സുരക്ഷാ ചുമതലയുള്ള കമാൻഡന്റ് സംഭവത്തെക്കുറിച്ച് അന്വേഷണം ആരംഭിച്ചു.
