തിരുവനന്തപുരം: സംസ്ഥാനത്ത് മുഹറം അവധി ഞായറാഴ്ച തന്നെയായിരിക്കുമെന്ന് സർക്കാർ വ്യക്തമാക്കി. അവധി തിങ്കളാഴ്ചത്തേക്ക് മാറ്റണമെന്ന മുസ്ലിം ലീഗ് ഉൾപ്പെടെ സംഘടനകളുടെ ആവശ്യം സർക്കാർ തള്ളി.നേരത്തേ തയാറാക്കിയ കലണ്ടർ പ്രകാരം ജൂലൈ 6 ഞായറാഴ്ചയാണ് മുഹറം അവധിയായി പ്രഖ്യാപിച്ചിരിക്കുന്നത്. എന്നാൽ ഇസ്ലാമിക കലണ്ടർ ചന്ദ്രമാസപ്പിറവി പ്രകാരം കണക്കാക്കുന്നതിനാൽ മുഹറം പത്ത് വരുന്നത് ജൂലൈ 7 തിങ്കളാഴ്ചയാണ്. ഇതോടെ തിങ്കളാഴ്ച അവധി പ്രഖ്യാപിക്കണമെന്ന് ആവശ്യപ്പെട്ട് ടി.വി. ഇബ്രാഹിം എംഎൽഎ മുഖ്യമന്ത്രിക്ക് കത്തു നൽകിയിരുന്നു.