കാസര്‍കോട്: കടയില്‍ സാധനങ്ങള്‍ വാങ്ങിക്കാന്‍ എത്തിയ 14 കാരിയെ പീഡിപ്പിക്കാന്‍ ശ്രമിച്ചതായി പരാതി. സംഭവത്തില്‍ പോക്‌സോ പ്രകാരം കേസെടുത്ത മഞ്ചേശ്വരം പൊലീസ് പ്രതിയായ കുഞ്ചത്തൂര്‍, കണ്വതീര്‍ത്ഥയിലെ ഇബ്രാഹിം ഷേഖ് അബ്ബ(60)യെ അറസ്റ്റു ചെയ്തു. പ്രതിയെ കോടതി രണ്ടാഴ്ചത്തേയ്ക്ക് റിമാന്റ് ചെയ്തു. ശനിയാഴ്ച്ച രാവിലെയാണ് കേസിനാസ്പദമായ സംഭവം. കടയില്‍ സാധനങ്ങള്‍ വാങ്ങിക്കാന്‍ എത്തിയ പെണ്‍കുട്ടിയെ പീഡിപ്പിക്കാന്‍ ശ്രമിക്കുകയായിരുന്നുവെന്നാണ് കേസ്. ഭയം കാരണം പെണ്‍കുട്ടി വിവരം ആരോടും പറഞ്ഞിരുന്നില്ല. എന്നാല്‍ വൈകുന്നേരത്തോടെ പെണ്‍കുട്ടിക്ക് പനി അനുഭവപ്പെട്ടു. പെട്ടെന്ന് പനി ഉണ്ടായതിനെ കുറിച്ച് വീട്ടുകാര്‍ ചോദിച്ചപ്പോഴാണ് പെണ്‍കുട്ടി തനിക്കുണ്ടായ ദുരനുഭവത്തെ കുറിച്ച് പറഞ്ഞത്. വീട്ടുകാര്‍ ഞായറാഴ്ച്ച രാവിലെ പൊലീസില്‍ പരാതി നല്‍കുകയായിരുന്നു. വിശദമായി ചോദ്യം ചെയ്ത ശേഷം പോക്‌സോ കേസെടുത്ത് പ്രതിയെ അറസ്റ്റുചെയ്തു.