ഭോപ്പാൽ: സർക്കാർ ആശുപത്രിയിൽ കയറി ട്രെയിനിയായ നഴ്‌സിനെ കഴുത്തറുത്ത് കൊലപ്പെടുത്തി. ശേഷം അജ്ഞാതനായ യുവാവ് രക്ഷപ്പെട്ടു. മധ്യപ്രദേശിലെ നർസിംഗ്പുർ ജില്ലാ ആശുപത്രിയിൽ വെള്ളിയാഴ്ച വൈകിട്ട് മൂന്നു മണിയോടെയാണ് സംഭവം.ട്രെയിനി നഴ്‌സായ സന്ധ്യ ചൗധരി (18) ആണ് കൊല്ലപ്പെട്ടത്. ‌ആശുപത്രിയിൽ ആളുകൾ നോക്കിനിൽക്കെയാണ്‌ ഒരു യുവാവ് കത്തി കൊണ്ട് സന്ധ്യയുടെ കഴുത്തറുത്തത്. ആളുകൾ ബഹളം വച്ചപ്പോൾ പ ഇയാൾ ഓടി രക്ഷപ്പെടുകയായിരുന്നു. പ്രതിക്ക് സന്ധ്യയുമായി നേരത്തെ ബന്ധമുണ്ടായിരുന്നു വെന്നാണ് പൊലീസ് നിഗമനം. ഇയാൾക്കായി തിരച്ചിൽ ആരംഭിച്ചു. ആശുപത്രിയിലെ സിസിടിവി ദൃശ്യങ്ങളിൽ നിന്ന് പ്രതിയെ തിരിച്ചറിഞ്ഞിട്ടുണ്ട്.